Башҡорт фотографы, режиссеры Гөлназ Ғәлимуллинаның эштәре халыҡ-ара конкурста иң яҡшыһы тип танылды

Яҡташыбыҙҙың башҡорт халҡының тарихына, мәҙәниәтенә арналған "Йөҙһөҙ" ("Без лица") тип аталған фотолар серияһы донъяның 120 иленән килгән килгән тиҫтәләрсә мең фото араһынан һайлап алынған.
"Был конкурсты донъялағы һәр фотограф белә, һәр кем еңеүсе булырға хыяллана. Мин дә эштәремде тәүге тапҡыр ебәрмәнем, әммә бер ҡасан да бер нәмә лә алманым. Әле еңеүле фотоларым Лос-Анжелестың Getty музейына ҡуйыла", - ти Гөлназ.
Башҡорт халҡының кейем өлгөләренән торған фотоһүрәттәрҙе бөтә донъя күрә. Афарин, Гөлназ!