Ыам ыйын 28 күнүгэр И.

М.Сосин аатынан улуустааҕы киин бибилэтиэкэтигэр биһиги ытыктыыр киһибит, «Мэҥэ Хаҥалас улууһа» муниципальнай оройуон баһылыгынан үлэлээбит, СӨ норуотун хаһаайыстыбатын үтүөлээх үлэһитэ, РФ үтүөлээх экономиһа, Исидор Бараахап аатынан экономикаҕа, үпкэ-харчыга уонна инвестицияҕа Государственнай бириэмийэтин лауреата, «Хотугу Сулус» уордьан кавалера, Аан дойдутааҕы дуобат федерациятын бочуоттаах чилиэнэ, өрөспүүбүлүкэ спортка 20-c үйэҕэ лауреата, Мэҥэ Хаҥалас улууһун Мэлдьэхси, Дьаҥхаады нэһилиэктэрин, Аллараа Бэстээх бөһүөлэгин, улуус Бочуоттаах олохтооҕо ВЛАДИМИР ИЛЬИЧ ПТИЦЫН 75 сааһынан уонна "Быть финансистом- судьба моя" кинигэтэ бэчээттэнэн тахсыбытынан истиҥ көрсүһүү түһүлгэтигэр ыалдьыттаата. Бүгүҥҥү көрсүһүүгэ бибилэтиэкэ бэтэрээннэрэ СӨ культуратын үтүөлээх үлэһитэ Варвара Саввична Шеломова, СӨ культуратын туйгуна Елизавета Семеновна Корнилова, ССРС культуратын туйгуна Марфа Федоровна Аргунова, СӨ культуратын туйгуна Ксения Николаевна Попова, СӨ культуратын туйгуна Екатерина Константиновна Попова, Елизавета Семеновна Попова, Татьяна Дмитриевна Попова уо.д.а. ыалдьыттаан, Владимир Ильич Птицын салайар кэмигэр бииргэ үлэлэспит сылларыттан ахтан-санаан аастылар, "Быть финансистом- судьба моя" саҥа кинигэтэ тахсыбытынан ааптарга эҕэрдэлэрин тириэртилэр. Улуустааҕы үөрэх управлениетын бибилэтиэкэрэ Татьяна Михайловна Дмитриева, М.И.Брызгалова аатынан оҕо бибилэтиэкэтин сэбиэдиссэйэ Ольга Николаевна Дьяконова, И.М.Сосин аатынан улуустааҕы киин бибилэтиэкэ кэлэктиибин аатыттан методическэй киин сэбиэдиссэйэ Наталья Степановна Басова эҕэрдэ тылларын эттилэр.
Владимир Ильич РФ бибилэтиэкэ күнүнэн саҥа тахсыбыт "Быть финансистом- судьба моя" кинигэтин улууспут бары оскуолаларын, итиэннэ Мэҥэ Хаҥаластааҕы кииннэммит ситим филиал -бибилэтиэкэлэригэр бэлэх уунна. Маны сэргэ бииргэ үлэлэспит бэтэрээн бибилэтиэкэрдэргэ саҥа кинигэтин үөрүүлээх быһыыга туттарда. М.К.Попова аатынан Майатааҕы оҕо искусствотын уһуйааччыта Антон Гаврильевич Борисов флейтаҕа "Амсат эрэ дьэдьэҥҥиттэн" ырыа матыыбын тыаһатта. Бибилэтиэкэ үлэһиттэрэ састааптаах "Сардаана" ансаамбыл ырыаһыттара Георгий, Татьяна Сергучевтар репертуардарыттан "Үргэл" ырыаны бэлэх ууннулар.
Бүгүҥҥү истиҥ көрсүһүү кыттыылаахтара астынан, үөрэн тарҕастылар.
#библиотекамк