Кыайыы 80 сылыгар аналлаах, кылаастар икки ардыларыгар араас тэрээһиннэр, марафоннар буолаллар.

Ол чэрчитинэн, В.П. Кривогорницына салайар 6″а» кылааһын үөрэнээччилэрэ оскуола үрдүнэн «Батарейка сдавайся!» диэн акция биллэрбиттэрин истэн, биһиги, Кыһыл Дэриэбинэ «Мичээр» оҕо уһуйаанын оскуолаҕа киириэн иннинээҕи уонна улахан бөлөх иитиллээччилэрбит кыһыны быһа «Эколята-дошколята» диэн айылҕаны харыстыырга аналлаах муннуктарыгар мунньубут, бүппүт батарейкаларын, илдьэн туттардылар.
Уһуйаан оҕолоро оскуолаҕа акцияны ыытааччы 6″а» кылаас үөрэнээччилэригэр «Сирбитин харыстыах» диэн уруһуйдаан илдьибит плакаттарын кэпсээтилэр, батарейкаларын туттардылар. Ол кэнниттэн үөрэнээччилэр А. Люба, Б. Сардана, У. Дарина оҕолорбутугар оскуоланы көрдөрдүлэр, оскуола туһунан кэпсээтилэр. Оскуола боруогун атыллаары сылдьар оҕолорго бэрт сэргэх, туһалаах сырыы буолан ааста.
Иитээччилэр Парникова М.А., Николаева Э.Р.