Тағйироти кадрӣ.

Аз барканонии Завқизода то сафири кишвар дар Амрико
Эмомалӣ Раҳмон, президенти Ҷумҳурии Тоҷикистон, кадрҳоеро, ки ба вазифаҳои вазири рушди иқтисод ва савдо ва роҳбарони намояндагиҳои дипломатии Ҷумҳурии Тоҷикистон дар як қатор кишварҳои хориҷӣ таъин гардиданд, барои суҳбат ба ҳузур пазируфтанд.
Бо фармонҳои президент, Завқзода Завқӣ – аз вазифаи вазири рушди иқтисод ва савдо озод шуда, Абдураҳмонзода Абдураҳмон, ки дорои собиқаи корӣ ва таҷрибаи кофӣ дар мақомоти давлатӣ мебошад, вазири рушди иқтисод ва савдо таъин гардид.
Ҳамчунин, бо фармонҳои президент, сафирони фавқулода ва мухтори Ҷумҳурии Тоҷикистон дар Иёлоти Муттаҳидаи Амрико, Ҷумҳурии Фаронса, Ҷумҳурии Австрия, Ҷумҳурии Италия ва бо розигии президенти Ҷумҳурии Тоҷикистон консулҳои генералии кишвар дар як қатор вилоятҳо ва шаҳрҳои Федератсияи Русия аз ҳисоби кадрҳои дорои таҷрибаву собиқаи корӣ ва ҷавобгӯ ба талаботи муосир таъин гардиданд. https://tajikpress.com/2025/11/15/%d1%82%d0%b0%d2%93%d0%b9%d0%b8%d1%80%d0%be%d1%82%d0%b8-%d0%ba%d0%b0%d0%b4%d1%80%d3%a3-%d0%b0%d0%b7-%d0%b1%d0%b0%d1%80%d0%ba%d0%b0%d0%bd%d0%be%d0%bd%d0%b8%d0%b8-%d0%b7%d0%b0%d0%b2%d2%9b%d0%b8%d0%b7/