Сармо ва тӯфон балои ҷони сокинони Ғазза дар хаймаҳои фарсуда

Сармо ва тӯфон балои ҷони сокинони Ғазза дар хаймаҳои фарсуда, идомаи ҳамлаҳои саҳюнистҳо ба Навори Ғазза, шаҳодати муҳофизи Синвор ва иҷро нашудани марҳилаи дувуми оташбас аз муҳимтарин таҳаввулоти имрӯзи Ғазза ба шумор мераванд.
Ба гузориши ТоҷикПресс, бо наздик шудани фасли зимистон ва оғози боришҳо, вазъияти оворагон дар Навори Ғазза вахимтар мешавад; ҷое ки хаймаҳои пора ва фарсуда ва сақфҳои нойлонии шикананда наметавонанд ин оворагонро аз сармо ва борон муҳофизат кунанд.
Дар асл, зимистон бори дигар ба мардуми Ғазза ёдовар мешавад, ки ҷанг ба поён нарасидааст, балки шакли худро тағйир додааст: аз шуълаҳо ва оташи бомбаборонҳо ба яхбандӣ ва сармое табдил ёфтааст, ки қарор аст мисли зимистонҳои ду соли гузашта, аз шиддати сармо устухонҳояшонро нобуд кунад.
Бар хилофи тамоми ҷаҳон, ин бор борон барои мардуми Фаластин дар Ғазза башоратовар нест, балки барои оворагоне, ки сақфе болои сари худ надоранд, пур аз ранҷу азоб аст.
Давлати Ғазза: Исроил масъули фоҷиаи бузурги инсонии оворагон дар тӯфон ва сармост
Ба дунболи фаро расидани фасли зимистон ва шиддат гирифтани боришҳо ва сармои шадиди ҳаво, кобуси марг бар асари сармо бори дигар ба Ғазза баргаштааст ва оворагон амалан дар миёни селоб зиндагӣ мекунанд. Дафтари иттилоотии давлатии Навори Ғазза аз кашфи пайкарҳои 11 фаластинӣ хабар дод, ки бар асари фурӯ рехтани сохтмонҳо дар ҷараёни тӯфони шадиде, ки Навори Ғаззаро фаро гирифтааст, ба шаҳодат расидаанд. https://tajikpress.com/2025/12/14/%d1%81%d0%b0%d1%80%d0%bc%d0%be-%d0%b2%d0%b0-%d1%82%d3%af%d1%84%d0%be%d0%bd-%d0%b1%d0%b0%d0%bb%d0%be%d0%b8-%d2%b7%d0%be%d0%bd%d0%b8-%d1%81%d0%be%d0%ba%d0%b8%d0%bd%d0%be%d0%bd%d0%b8-%d2%93%d0%b0%d0%b7/