Երբեք չդադարես մարդկանց լավը համարել, երբեք չդադարես հավատալ մարդկանց մեջ Մարդ գտնելուն: Եթե քո կյանքում պատահած Հուդաների պատճառով անգամ խաչին ես գամվել, երբեք չդադարես քեզ փրկողների ճանապարհին սպասել: Եթե կոտրել են հոգիդ ու փշուր փշուր արել, երկար մի նայիր գնացողի հետևից, որովհետև դիմացից միշտ գալիս է նա, ով վիրակապը ձեռքին պետք է հոգիդ ամրակապի ու քո ներաշխարհում մի նոր դրախտ կառուցի:

Երբեք չդադարես թեկուզ մռայլ ամպերի հետևում մի փոքր արև տեսնել , եթե ողջ թուղթն է սև, մեկ է մի սպիտակ կետ կարելի է գտնել ու միջակետով մի ողջ կյանք շարադրել:
Անգամ քեզ հարվածող ձեռքերը պատահական չեն հայտնվում քո կյանքում, եթե Հուդան չլիներ առաքյալների կարևորությունը այդքան կարևոր չէր դառնա աշխարհում:
Եվ վերջում հիշիր, քեզ ոչ ոք չի կարող խաչել, եթե Աստված ունես, քեզ միայն դու կարող ես խաչել, այն էլ ոչ թե խաչին, այլ քո սխալ մտքերին:
Արմինե Ասպար