Тутууга, олох-дьаһах коммунальнай хаһаайыстыбатыгар уонна энергетикаҕа Ил Түмэн сис кэмитиэтин бэрэссэдээтэлэ Александр Корякин сэтинньи 29 күнүгэр «Сахам сирэ XXI үйэҕэ» бүтүн өрөспүүбүлүкэтээҕи үтүө дьыала хамсааһына 25 сылын чэрчитинэн Өлөчөй сэлиэнньэтигэр элбэх аналлаах култуура комплексын өрөгөйдөөх аһыллыытыгар кыттыыны ылла.

Култуура комплексын биир кынатыгар дьахталларга, эр дьоҥҥо тус-туспа гримернайдар, костюмернай, дириэктэр, исписэлиистэр хосторо, ортотугар 10 миэтэрэ усталаах, 5,80 миэтэрэ үрдүктээх сыана, 150 миэстэлээх кэнсиэртиир саала, уҥа өттүгэр үс хоһунан олохтоох дьаһалта хонтуората уонна бибилэтиэкэ үлэлиэхтэрэ.
Ил Түмэн дьокутааттара Александр Корякин, Виктор Губарев, Андрей Находкин бар дьону үөрүүлээх түгэнинэн эҕэрдэлээтилэр.
Сиһилии: https://iltumen.ru/news/26093 Ил Түмэн пресс-сулууспата
Источник: Эркээйи.рф