Ноябрĕн 8-мĕшĕнче Чăваш Республикин Наци библиотекинче Владимир Галошевăн «Десять деревень.

Звезды над Большой Булой» кĕнекин хăтлавĕ иртрĕ. Кĕнеке Чăваш Республикинчи Елчĕк районне кĕрекен Аслă Пăла Тимеш ял тăрăхĕнчи вунă ял çинчен каласа кăтартакан кĕске энциклопеди пулса тухнă. Хăтлава республикăри тата анат енчи тавра пĕлÿçĕсем, учительсем, сумлă ăсчахсем килнĕ. Пуçтарăннисем кĕнекене хакласа çапла пĕтĕмлетÿ турĕç. «Питех те кирлĕ кĕнеке. Хăйсен тавралăхĕ тата çыннисем çинчен юратса та тĕплĕ çырса кăтартнă. Çав тăрăхри кашни çыннăн сĕтел çинче пулмалли кĕнеке. Лайăх хак парас».