Դու Նրա արյան գինն ես

Ես և դու Քրիստոսի արյան գինն ենք:
Ղևտ. 17:11-ն ասում է՝ Կյանքը արյան մեջ է: Մենք ապրում ենք, քանի դեռ մեր մեջ շրջանառվում է արյունը: Նույնը նաև մեր հոգևոր կյանքում է: Հոգևորապես ապրում ենք, քանի դեռ մեր մեջ հոսում է Քրիստոսի արյունը:
«Քանզի գնով ծախու առնվեցիք, ուստի փառավորեցեք Աստծուն ձեր մարմիններու ու հոգիների մեջ, որոնք Աստծուն են պատկանում» (Ա Կորնթ. 6:20):
Որտե՞ղ էինք մենք, որ մեզ համար անհրաժեշտ եղավ գին վճարել, ծախու առնվել… Երբեմն մեզ թվում է, թե մենք մեղք չենք գործում, մենք մեղավոր չենք, բայց… յուրաքանչյուրս այսօր Նրա արյան գինն ենք:
Երբ որ գալիս ենք Աստծո առաջ, մենք հասկանում ենք, որ մեղավոր ենք, և շնորհակալ ենք լինում, որ Նա գին է վճարել մեզ համար:
Հիսուսն ուզում է, որ մենք գնահատենք այն գինը, որ Նա վճարել է մեզ համար: