Երևանի փոխքաղաքապետ Տիգրան Ավինյանը նշել է մայրաքաղաքի օդի աղտոտվածության մի քանի պատճառ։ Հիմնական պատճառներից մեկը ընդերքի շահագործմամբ զբաղվող ընկերություններն են, որոնք չունեն փոշու որսիչներ։ Երկրորդ խնդիրը կապված է շինարարական հրապարակների կազմակերպման նորմերի բացակայության հետ։ Մինչդեռ միայն 2022 թվականին ավելի քան 4 հազար շինարարական թույլտվություն է տրվել։ Մայրաքաղաքի օդի աղտոտվածության վրա ազդում է նաև տրանսպորտի ավելացող քանակը։