За 6 км на паўночны ўсход ад Івацэвічаў, на аўтамагістралі Брэст – Івацэвічы раскінуўся аграгарадок Любішчыцы.

Вядомы знаўца гісторыі краю Павел Баброўскі ў сваіх «Матэрыялах для геаграфіі і статыстыкі... Гродзенская губернія» за 1868 год адзначыў, што самае буйнае паселішча ў губерні – гэта казённая вёска Любішчыцы Слонімскага пав., што размешчана на рацэ Іса пры ўпадзенні яе ў Грыўду.
Упершыню ў пісьмовых крыніцах селішча згадваецца ў 1516 г.
Назва вёскі ўтворана ад праславянскай асновы «люб» - любы, любімы, інакш – аблюбаванае месца альбо месца шлюбных рытуалаў, сустрэч, ігрышч. Адно вядома: у Любішчыцах жывуць прыгожыя, любыя, добрыя і працавітыя людзі.
Па матэрыялах кнігі «Гарады і раёны Берасцейшчыны: гісторыя і сучаснасць. Івацэвіцкі раён».