Сёння ў Івацэвічах, як і ва ўсёй краіне, адзначаецца Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

І невыпадкова на цэнтральнай плошчы горада сабраліся кіраўніцтва раёна, прадстаўнікі працоўных калектываў, грамадскіх аб'яднанняў, ваеннаслужачыя, моладзь, жыхары і госці райцэнтра. Мы з асаблівым гонарам адзначаем гэты дзень, бо галоўныя сімвалы Беларусі – найважнейшыя атрыбуты дзяржаўнасці.
З вялікім дзяржаўным святам усіх прысутных павіншавала старшыня Івацэвіцкага раённага Савета дэпутатаў Ірына Краўчук, якая нагадала, што ў дзяржаўных сімвалах нашай краіны ўвасабляецца памяць пакаленняў, адлюстроўваецца нацыянальная самасвядомасць і няпросты гістарычны шлях народа, аб'ядноўваецца мінулае, сучаснае і будучае нашай дзяржавы.
Ганаровае права ўзняць сцяг Рэспублікі Беларусь было прадстаўлена Уладзіміру Любушаку; Але Ляховіч;
Валерыі Аўрусевіч; Арцёму Прыпутневічу.
Клятву вернасці Дзяржаўным сімвалам Рэспублікі Беларусь ад імя тысяч сваіх аднагодкаў вымавілі маладыя патрыёты нашага раёна.
У гэты святочны дзень юным грамадзянам, выдатнікам вучобы, актывістам і лідарам вучнёўскіх і працоўных калектываў уручаны білеты членаў грамадскага аб'яднання «Беларускі рэспубліканскі саюз моладзі». Са словамі віншавання да юнакоў і дзяўчат звярнулася Наталля Клютко, першы сакратар РК «Беларускі рэспубліканскі саюз моладзі».
Павіншаваў жыхароў раёна са святам намеснік камандзіра другога асобнага стралковага батальёна вайсковай часці 7404 Алег Раўнейка.
Святочны настрой прысутным дарылі творчыя вакальныя и харэаграфічныя калектывы Івацэвіцкага раёна.