Карап чыгарга дип бирсәләр,«Яшьлек» дип язылган өч-дүрт битенУрлар идем. Әгәр күрсәләр,Качар идем ерак җирләргә,Яшьлегемне салып ияргә.Ул кайдадыр бик якында калган:Авылымның айлы төнендә.Фуружкасын кырын салган егетКызын көтә тирәк төбендә.Эшкә соңлый, диеп, борчылмагыз,Яшьлек бит ул! Яшьлек өлгерер! —Таң атканчы тирәк төбен саклар,Ә таң белән эшкә йөгерер…Шундый чагым бик якында кебек,Кулны сузсам, җитәр шикелле,Кулны сузам диеп бер үрелсәм,Өркетермен, китәр шикелле.Мин яратам кояш чыккан чагын,Җирнең өстен нурга балкытып;Табалмадым, дуслар, гомеремнеңЯшьлектән дә матур вакытын.Тик дөньяда берни кабатланмый,Һәрнәрсәнең була сызыгы;Яшьлекнең дә, әгәр кабатланса,Булмас иде, бәлки, кызыгы.Ул кайдадыр бик-бик якында,Җыр җырлыйлар аның хакында.Әнгам АТНАБАЕВ
Гомер китабымны, альбом кебек,
Карап чыгарга дип бирсәләр,
«Яшьлек» дип язылган өч-дүрт битен
Урлар идем. Әгәр күрсәләр,
Качар идем ерак җирләргә,
Яшьлегемне салып ияргә.
Ул кайдадыр бик якында калган:
Авылымның айлы төнендә.
Фуружкасын кырын салган егет
Кызын көтә тирәк төбендә.
Эшкә соңлый, диеп, борчылмагыз,
Яшьлек бит ул! Яшьлек өлгерер! —
Таң атканчы тирәк төбен саклар,
Ә таң белән эшкә йөгерер…
Шундый чагым бик якында кебек,
Кулны сузсам, җитәр шикелле,
Кулны сузам диеп бер үрелсәм,
Өркетермен, китәр шикелле.
Мин яратам кояш чыккан чагын,
Җирнең өстен нурга балкытып;
Табалмадым, дуслар, гомеремнең
Яшьлектән дә матур вакытын.
Тик дөньяда берни кабатланмый,
Һәрнәрсәнең була сызыгы;
Яшьлекнең дә, әгәр кабатланса,
Булмас иде, бәлки, кызыгы.
Ул кайдадыр бик-бик якында,
Җыр җырлыйлар аның хакында.
Әнгам АТНАБАЕВ