В нем публикуются новости на ненецком языке👇❄️ Сайнормы ненэць’Иван Антонович Юганпеликм’ яна’’ тиӈгэвна сававна теневадо’. Пыдо’ юнета паднана ненэцянзь. Ӈавнанда тамна «Няръяна Ӈэрм» газетана’’ редакторӈэ тарась. Сайнорма’ похо’’на яхана’’ ӈарка таром’ ха’’аврамбись. Ня’’амвы наградада ӈани’ ӈокась. Ява’’ лэтрамбаванда мальӈгана ӈэмда маядавысь.Иван Антонович ӈарка пэвдей иры’ 31 яляхана 1925 похона Халевож (Товопогол) хардахана соявысь. Мята тер’’ ты пэртя’’ ӈэвыць. Пыдо’ Пэ’’ нямна мюсермыць. Нюдя ӈэдаханда пыхыдамда манзара тохоламбавэдась. Ханеванзь, ёрманзь, еванзь етри’ хан’’мысь. Тамна’ тяха’ тохолкованзь пэрмы. Я’ тиӈгэвна я’’авлада вадам’ ӈэдаравы’’, Ӈарка сайнорма пэвы’’.Тандая’ илам’ хамэдамба пявы хасава ӈацекы ӈамгэхэртан’ сейда нивы пин’’. Сита ӈар’’ нита ня’ ямда саюхот ӈэдаванзь хэвы. Армиян’ ты’’ ниць ирыхына 1943 похона тэвавы’’. Пулемётчикӈэ таравы. Енеркава ёльце пир’’мэда. Ӈэрм’ няд товы ӈэбта ӈод’’ сайнорма’ серм’ нивэда пилюс’’. Таняна мэванда сер’ падна пэвы’’. Нюртей’’ ненэй вадавна ӈэда’’ стихотворенияда ӈадимы’’. Падвэхэ’’ната харта ямда, выӈгы иламда тензибтембавы.Сталинград’ хэван’ тэвормы. Пуна Белоруссиям’ няби Польшам’ лэтрамбавы. Нива пинванда, са’’манда е’’эмня хуркари тэнз’’ ненадумдами ня’’амвы. Тарця’’ орденда таня’’: «Отечественной войны I и II степени», медальда «За отвагу», «За Победу над Германией в Великой Отечественной войне 1941–1945 гг.», тикахад тамна ӈани’’.Берлинан’ тэваварида хаёвысь. Сие ниць ирыхына 1945 похона Одер яха’ хэвхана сиддо’ саю’’ тыяролтамба пявыць. Батальонмда самляӈг мэва хацявэдонзь марда’’. Пыда самляӈг юкад вата сэр’’ луцам’ ед’’мы. Пи’ ӈобтикы нивы хасерӈг’’, етри’ пулемётанда муӈг’’ сарё’ тэс тотрев’ няйналтамбавыда.Бреславль маркана сэр’’ луцаха’’на панта машинам’ мардавы. Тамальӈгана саю хэвня’ пидебадаханда ӈэси’’ хаёвы. Тикы хардахана ӈока ненэцява’’ маядавы’’. Хусувэй яля’ туни’’ мун’’ хэ’’ мундрев’ совы’’. Ты’’ ниць иры’ 6 яляхана яна’’ тер’’ марадм’ сюртевыдо’, пирдалевэдо’.Лекар’’ мякана мэ’’махаданда Саляӈгардан’ товы. Культура’ мякана манзаранаӈэ тохолко пэвы’’. Тикэмда 1948 похона малевэда. Ӈэдя’ хардан’ манзараванзь хэвы, клуб’ ервӈэ, Тазовской райком’ комсомол’ секретарьӈэ таравы.Пуна ӈани’ Саляӈгардан’ тэвавы’’. 1953 поход «Няръяна Ӈэрм» газетахана падна пэвы’’. Тикахад ӈамгэ’ пир’’ по’’ газета’ ӈэвахана мэнаӈэ таравы’’. Паднаванда хавна невхы иле’’ми, лаханаку ма’’ламбавы. Леонид Лапцуй, Роман Ругин, тамна ӈани’’ паднани’’ ила’ сехэрым’ тидхалемба нядаӈговы. 1960-1970 похо’’на тет книгада ӈадимы, мал’’ ненэй вадавна ӈэвы’’. Падвыда «Земляки» (1957), «Север поёт» (1961), «Ямальские зори» (1966), «Сказанье о счастье» (1970) падарка’’на ӈадибермы’’. Тюмень’ няна «Я пою» (1960) ӈобт’ ма’’лавыда ӈадимы’’. «Девушка Сихирти» стихотворениянда юн ӈарка ӈэвы.Пудана’’ пода Ялуторовск хардахана мэ’’мыда. 1991 похона яӈгумы. Теда’ ненэця’’ сита ни’’ юрыбю’’. Падвыда хусувэй яля’ толабидо’.Луца вадахад ненэй вадан’ Анна Яптик’ падвы
Красный Север (ЯНАО)
На нашем сайте запущен специальный раздел для старейшей ненецкой газеты «Няръяна Ӈэрм».
В нем публикуются новости на ненецком языке👇
❄️ Сайнормы ненэць’
Иван Антонович Юганпеликм’ яна’’ тиӈгэвна сававна теневадо’. Пыдо’ юнета паднана ненэцянзь. Ӈавнанда тамна «Няръяна Ӈэрм» газетана’’ редакторӈэ тарась. Сайнорма’ похо’’на яхана’’ ӈарка таром’ ха’’аврамбись. Ня’’амвы наградада ӈани’ ӈокась. Ява’’ лэтрамбаванда мальӈгана ӈэмда маядавысь.
Иван Антонович ӈарка пэвдей иры’ 31 яляхана 1925 похона Халевож (Товопогол) хардахана соявысь. Мята тер’’ ты пэртя’’ ӈэвыць. Пыдо’ Пэ’’ нямна мюсермыць. Нюдя ӈэдаханда пыхыдамда манзара тохоламбавэдась. Ханеванзь, ёрманзь, еванзь етри’ хан’’мысь. Тамна’ тяха’ тохолкованзь пэрмы. Я’ тиӈгэвна я’’авлада вадам’ ӈэдаравы’’, Ӈарка сайнорма пэвы’’.
Тандая’ илам’ хамэдамба пявы хасава ӈацекы ӈамгэхэртан’ сейда нивы пин’’. Сита ӈар’’ нита ня’ ямда саюхот ӈэдаванзь хэвы. Армиян’ ты’’ ниць ирыхына 1943 похона тэвавы’’. Пулемётчикӈэ таравы. Енеркава ёльце пир’’мэда. Ӈэрм’ няд товы ӈэбта ӈод’’ сайнорма’ серм’ нивэда пилюс’’. Таняна мэванда сер’ падна пэвы’’. Нюртей’’ ненэй вадавна ӈэда’’ стихотворенияда ӈадимы’’. Падвэхэ’’ната харта ямда, выӈгы иламда тензибтембавы.
Сталинград’ хэван’ тэвормы. Пуна Белоруссиям’ няби Польшам’ лэтрамбавы. Нива пинванда, са’’манда е’’эмня хуркари тэнз’’ ненадумдами ня’’амвы. Тарця’’ орденда таня’’: «Отечественной войны I и II степени», медальда «За отвагу», «За Победу над Германией в Великой Отечественной войне 1941–1945 гг.», тикахад тамна ӈани’’.
Берлинан’ тэваварида хаёвысь. Сие ниць ирыхына 1945 похона Одер яха’ хэвхана сиддо’ саю’’ тыяролтамба пявыць. Батальонмда самляӈг мэва хацявэдонзь марда’’. Пыда самляӈг юкад вата сэр’’ луцам’ ед’’мы. Пи’ ӈобтикы нивы хасерӈг’’, етри’ пулемётанда муӈг’’ сарё’ тэс тотрев’ няйналтамбавыда.
Бреславль маркана сэр’’ луцаха’’на панта машинам’ мардавы. Тамальӈгана саю хэвня’ пидебадаханда ӈэси’’ хаёвы. Тикы хардахана ӈока ненэцява’’ маядавы’’. Хусувэй яля’ туни’’ мун’’ хэ’’ мундрев’ совы’’. Ты’’ ниць иры’ 6 яляхана яна’’ тер’’ марадм’ сюртевыдо’, пирдалевэдо’.
Лекар’’ мякана мэ’’махаданда Саляӈгардан’ товы. Культура’ мякана манзаранаӈэ тохолко пэвы’’. Тикэмда 1948 похона малевэда. Ӈэдя’ хардан’ манзараванзь хэвы, клуб’ ервӈэ, Тазовской райком’ комсомол’ секретарьӈэ таравы.
Пуна ӈани’ Саляӈгардан’ тэвавы’’. 1953 поход «Няръяна Ӈэрм» газетахана падна пэвы’’. Тикахад ӈамгэ’ пир’’ по’’ газета’ ӈэвахана мэнаӈэ таравы’’. Паднаванда хавна невхы иле’’ми, лаханаку ма’’ламбавы. Леонид Лапцуй, Роман Ругин, тамна ӈани’’ паднани’’ ила’ сехэрым’ тидхалемба нядаӈговы. 1960-1970 похо’’на тет книгада ӈадимы, мал’’ ненэй вадавна ӈэвы’’. Падвыда «Земляки» (1957), «Север поёт» (1961), «Ямальские зори» (1966), «Сказанье о счастье» (1970) падарка’’на ӈадибермы’’. Тюмень’ няна «Я пою» (1960) ӈобт’ ма’’лавыда ӈадимы’’. «Девушка Сихирти» стихотворениянда юн ӈарка ӈэвы.
Пудана’’ пода Ялуторовск хардахана мэ’’мыда. 1991 похона яӈгумы. Теда’ ненэця’’ сита ни’’ юрыбю’’. Падвыда хусувэй яля’ толабидо’.
Луца вадахад ненэй вадан’ Анна Яптик’ падвы