ДЗЕНЬ У ГІСТОРЫІ.

28 красавіка.
1794 - Жыхары Гародні далучыліся да паўстання Тадэвуша Касцюшкі.
1883 - У Маскве (Расея) скончыў жыццё самагубствам Уладзімір Кавалеўскі, прыродазнавец, заснавальнік эвалюцыйнай палеанталогіі, удзельнік паўстання 1863-1864 гт.
1900 - У Кушлянах (цяпер Смаргонскі р-н) памёр Францішак Багушэвіч, паэт, празаік, публіцыст, удзельнік паўстання 1863-1864 гг. Пахаваны ў Жупранах (цяпер Ашмянскі р-н).
1911 - Нарадзіўся Васіль Каляда, актывіст Камуністычнай Партыі Заходняй Беларусі, настаўнік, у 1959-1969 гг. — дырэктар Дома-музея Адама Міцкевіча ў Наваградку.
1918 - Народны Сакратарыят Беларусі зацвердзіў беларускую мову ў якасці дзяржаўнай і абавязковай у Беларускай Народнай Рэспубліцы і прыняў пастанову аб адкрыцці ў Менску універсітэта.
1919 - У Вільні пачала выдавацца газета "Беларуская думка" (выходзіла да 27 ліпеня 1919 г.). Рэдактары I. Вайцяховіч, У. Знамяроўскі, Э. Падгайскі.
1944 - У Іўі памёр Ільдэфонс Бобіч, рымска-каталіцкі святар, выдавец. Пахаваны каля івейскага касцёла.
1945 - На фронце пад час штурму г. Гдыня (Польшча) загінуў Сяргей Крывец, паэт. Нарадзіўся ў в. Сухінічы, цяпер Мастоўскі р-н (1909 г.).