ДЗЕНЬ У ГІСТОРЫІ.

1 траўня.
1710 - Салдаты расейскага цара Пятра I узарвалі Полацкі Сафійскі сабор.
1881 - Нарадзіўся Янка Журба (сапр. Івашын; в. Купніна, цяпер Чашніцкі р-н), паэт, перакладчык.
1906 - Нарадзілася Аляксандра Бергман (дзяв. Кучкоўская; г. Гародня), дзеяч Камуністычнай Партыі Заходняй Беларусі, даследчыца гісторыі, вязень савецкіх канцлагераў.
1915 - Нарадзіўся Іван Любачка (Полаччына), настаўнік, гісторык, дзеяч эміграцыі ў Нямеччыне і ЗША.
1922 - Нарадзіўся Алесь Салавей (сапр. Альфрэд Радзюк, на эміграцыі Альберт Кадняк; в. Крысава, цяпер Дзяржынскі р-н), паэт, дзеяч эміграцыі ў Аўстрыі і Аўстраліі.
1929 - Нарадзіўся Міхаіл Крываносаў (г. Крычаў), кідальнік молата, срэбны прызёр Алімпійскіх гульняў (1956 г.), шматразовы рэкардсмен свету.
1969 - У Гомелі заснаваны ўніверсітэт (ад 1988 г. — Гомельскі дзяржаўны ўніверсітэт імя Францыска Скарыны).
1986 - Памёр Сцяпан Александровіч, літаратуразнавец, краязнавец. Пахаваны на Паўночных могілках у Менску.