Произошла проблема с интернетом
Войти
|
Регистрация
«Край горномарийский» и «Жерӓ»
27 апр
У погынымаш – у эдемвлӓ доно вӓшлимӓш
Н.Игнатьев лӹмӓн районный библиотекӹн краеведческий отделышты каждый вӓшлимӓш у эдемвлӓ доно пӓлӹмӹм ӹштӓ. 10 апрельӹн «Шӧртньӹ тылип» литературно-творческий клубын церотан погынымашыжы кырык мары музыкант, гармонист Сергей Сидоркин (1949-1994) гишӓн ылын. Тӹдӹн юбилейжӹ лӹмеш эртӓрӓлтшӹ мероприятишкӹ, кыдым отдел вуйлатышы Л.А.Леонтьева цымырен, Сергей Сергеевичӹм шотеш пиштен ӓшӹндӓрӓш кырык мары творческий шӱлӹшӓн эдемвлӓ толыныт ылын.
Л.А.Леонтьева ӹлӹмӓш дӓ творчество корныжы гишӓн электронный презентаци семӹнь ӓшӹндӓрен пуэн. А стӧлвлӓ вӹлнӹ мыры сборниквлӓ киэнӹт.
библиотекӹштӹ вӓшлимӓш годым – В.С.Ватрасова кок музыкант лошты шӹнзӓ.
Пакыла погынымашкы толшывлӓ шайыштыныт, кӱн ӹлӹмӓштӹжӹ махань ӓшӹндӓрӹмӓшӹжӹ Сергей Сидоркин доно кӹлдӓлтӹн. Сек яжо дӓ керӓл ӓшӹндӓрӹмӓшӹжӹ, конечно, ӹдӹржӹ Валентина Сергеевна Ватрасован, ылын. Тӹдӹ Козьмодемьянск халан «Дарование» школ-интернатышты тӹнгӓлтӹш классвлӓштӹ воспитатель ылеш. Ӓтяжӹн мырен мыштымыжы ӓвӓжӹ гӹц ванжымы, гармоньым пишок яратымыжы, пуры, проста мары ылмыжы гишӓн шайыштын, эче тидӹмӓт келесен:
– Ӓтямӹм гармоньым шактен таенӹт, тенге ӹштӓш ӹшкеок попен ылын. А мӓ, тетявлӓ, мыры лошты кушкынна. Худам иктӹлӓнӓт шанен мыштыде. Кышкы шакташ шӱдӓт, тӹшкӹ кеӓ ылын. А икӓнӓ гармонь ярелӓ вӹдӹшкӹ пыш гӹц кенвазын ылын гӹнят, яратымы инструментшӹм соиктокат нӧртӹде – кид мычкы вӹд вӹлнӹ кычен шӹнден кердӹн.
Валентина Сергеевна дон композитор Софья Метелкина иквӓреш пӓшӓлӓт. Софья Игнатьевна Сергей Сергеевичӹм ӓшӹндӓрӹмӹжӹ гишӓн шайыштын, кыды тӧрӧк мыры шамаквлӓм тумаен лыктын кердӹн манын. Эче попен, кыце «Яраташ гӹнь, яраташ» мыры доно Москвашты 1-шӹ вӓрӹм 1987-шӹ ин нӓлӹнӹт.
Пакыла «Ӹлӹмӓшнӓн цӓш» мырым иквӓреш мыреннӓ, семжӹм Софья Метелкина баян доно шактен, иктӓт мырыде тырхен кердде, вет кыды-тидӹ мыры, 30 и эртен гӹнят, ак мондалт.
Магдалина Ильинична вӓшлимӓшкӹ толмыжы якте ланзылен лӓктӹн ылын, махань поэтвлӓн шамаквлӓэш Сергей Сидоркин мырывлӓм сирен, техень поэтвлӓм пӓлемден: Николай Егоровын, Ипполит Лобановын, Леонид Калиновын, Зинаида Васяткинан, Виталий Петуховын шамакеш сирӹмӹ мырывлӓжӹ шачыныт дӓ кӹзӹтӓт кырык мары халык лошты йонгалтыт.
Пакыла пуры шамаквлӓм Зинаида Стахиевна келесен, вет тӹдӹ Сергей Сидоркинӹн шукы мырыжым пӹтӓришӹ мырен, а Арсений Яйцов пӱлӓ гӓнӓ иквӓреш шактеннӓ, сагажы лиӓш вӓрештӹн манын, вет 1970-шы ивлӓн, кынам Кӓтӓ Шошмар клубышты пӓшӓлен, мырызывлӓ сага иквӓреш ылынна манын.
Любовь Алексеевна пакыла кок видеофильмӹм анжыктен, кышты Сергей Сидоркинӹм ужаш дӓ мырымыжым колышташ яжо йӧн ылын: «Пишок цӓшӓн ыльым тӹнь сагаэт», «Йогор йоктара» мырывлӓм мырен дӓ шактен.
Поэт Софроний Гайдов тенгеок самодеятельный композиторым шукы жеп пӓлӹмӹжӹ гишӓн попен, техень эдем чӹдӹ манын.
«Шӧртньӹ тылип» клубын заседаништӹ шӧртньӹ ганьы шергӓкӓн кырык мары эдемвлӓ гишӓн шая каждый гӓнӓ кеӓ. Мӓ цилӓн нӹнӹ доно когоэшненӓ.
С.ИЛЬИНА. «Жерӓ» №15 (10892), 19 апрель 2024 ин.
0
•
19
Комментарии
Комментариев нет.
Обновить
Для того чтобы оставить комментарий,
войдите
или
зарегистрируйтесь
«Край горномарийский» и «Жерӓ»
У погынымаш – у эдемвлӓ доно вӓшлимӓш
Н.Игнатьев лӹмӓн районный библиотекӹн краеведческий отделышты каждый вӓшлимӓш у эдемвлӓ доно пӓлӹмӹм ӹштӓ. 10 апрельӹн «Шӧртньӹ тылип» литературно-творческий клубын церотан погынымашыжы кырык мары музыкант, гармонист Сергей Сидоркин (1949-1994) гишӓн ылын. Тӹдӹн юбилейжӹ лӹмеш эртӓрӓлтшӹ мероприятишкӹ, кыдым отдел вуйлатышы Л.А.Леонтьева цымырен, Сергей Сергеевичӹм шотеш пиштен ӓшӹндӓрӓш кырык мары творческий шӱлӹшӓн эдемвлӓ толыныт ылын.Л.А.Леонтьева ӹлӹмӓш дӓ творчество корныжы гишӓн электронный презентаци семӹнь ӓшӹндӓрен пуэн. А стӧлвлӓ вӹлнӹ мыры сборниквлӓ киэнӹт.
– Ӓтямӹм гармоньым шактен таенӹт, тенге ӹштӓш ӹшкеок попен ылын. А мӓ, тетявлӓ, мыры лошты кушкынна. Худам иктӹлӓнӓт шанен мыштыде. Кышкы шакташ шӱдӓт, тӹшкӹ кеӓ ылын. А икӓнӓ гармонь ярелӓ вӹдӹшкӹ пыш гӹц кенвазын ылын гӹнят, яратымы инструментшӹм соиктокат нӧртӹде – кид мычкы вӹд вӹлнӹ кычен шӹнден кердӹн.
Валентина Сергеевна дон композитор Софья Метелкина иквӓреш пӓшӓлӓт. Софья Игнатьевна Сергей Сергеевичӹм ӓшӹндӓрӹмӹжӹ гишӓн шайыштын, кыды тӧрӧк мыры шамаквлӓм тумаен лыктын кердӹн манын. Эче попен, кыце «Яраташ гӹнь, яраташ» мыры доно Москвашты 1-шӹ вӓрӹм 1987-шӹ ин нӓлӹнӹт.
Пакыла «Ӹлӹмӓшнӓн цӓш» мырым иквӓреш мыреннӓ, семжӹм Софья Метелкина баян доно шактен, иктӓт мырыде тырхен кердде, вет кыды-тидӹ мыры, 30 и эртен гӹнят, ак мондалт.
Магдалина Ильинична вӓшлимӓшкӹ толмыжы якте ланзылен лӓктӹн ылын, махань поэтвлӓн шамаквлӓэш Сергей Сидоркин мырывлӓм сирен, техень поэтвлӓм пӓлемден: Николай Егоровын, Ипполит Лобановын, Леонид Калиновын, Зинаида Васяткинан, Виталий Петуховын шамакеш сирӹмӹ мырывлӓжӹ шачыныт дӓ кӹзӹтӓт кырык мары халык лошты йонгалтыт.
Пакыла пуры шамаквлӓм Зинаида Стахиевна келесен, вет тӹдӹ Сергей Сидоркинӹн шукы мырыжым пӹтӓришӹ мырен, а Арсений Яйцов пӱлӓ гӓнӓ иквӓреш шактеннӓ, сагажы лиӓш вӓрештӹн манын, вет 1970-шы ивлӓн, кынам Кӓтӓ Шошмар клубышты пӓшӓлен, мырызывлӓ сага иквӓреш ылынна манын.
Любовь Алексеевна пакыла кок видеофильмӹм анжыктен, кышты Сергей Сидоркинӹм ужаш дӓ мырымыжым колышташ яжо йӧн ылын: «Пишок цӓшӓн ыльым тӹнь сагаэт», «Йогор йоктара» мырывлӓм мырен дӓ шактен.
Поэт Софроний Гайдов тенгеок самодеятельный композиторым шукы жеп пӓлӹмӹжӹ гишӓн попен, техень эдем чӹдӹ манын.
«Шӧртньӹ тылип» клубын заседаништӹ шӧртньӹ ганьы шергӓкӓн кырык мары эдемвлӓ гишӓн шая каждый гӓнӓ кеӓ. Мӓ цилӓн нӹнӹ доно когоэшненӓ.
С.ИЛЬИНА. «Жерӓ» №15 (10892), 19 апрель 2024 ин.