80 килограммлик инсон танасининг бор йўғи 80 дан бир бўлагини ташкил қилувчи орган. 1,5 килограмм атрофида. Айнан шу орган сизу-бизни бошқаради. Агар шу икки килограммлик тана аъзойимизни пайтида ишлов бериб турмасак, янаям аниқроқ қилиб айтадиган бўлсам, ишлашга мажбур қилиб турмасак, унга ижодий руҳ бағишламасак, у танамиздаги ортиқча эт бўлиб тураверади. Инсон танасини бадантарбия билан қандай чиниқтириб борса, мия фаолиятини ҳам ривожлантириб бориши керак. Арасту «арфада бирон бир куйни чалиш учун, арфа чалишни билиш керак» деб қайд этган жойлари бор. Бу билан айтмоқчики, мияни ўстириш учун энг камида аввал уни ишлатиш зарур.