Поро эр,поро кас,поро кече,

Нал саламым марий калыкем.
Муралталын кушталте тый таче,
Тек вӱчка марий сем капкылем.
Пеледалтын шога тыйын тувыр,
Ош лумпырче мо чинчым шавен.
Тый улат ковыра марий ӱдыр,
Мурымет шӱм- чонем савырен.
Лек покшеке,йодам,йӱксӧ семын,
Пеш лыжга марий семым моктен.
Да ончал икте- весым тый порын,
Саламлалт калыкетым вӱчкен.
Тек волгалтын толеш тыйын корно,
Кечыйол лач пиалым сӧра.
Тый улат марий калык эн поро,
Изи чон куаналын мура.
Поро эр,поро кас,марий калык,
Нал саламым,марий йолташем.
Тек ок шинче нигӧ таче шӱлык---
Муралта,кушталта куанен.