СОН ТЕЧИЯК МАРТОНОК…(Алтави Серафима Марковна Люлякинанень 95 иень топодемантень )Тедеде, медьковонь 29-це чистэ топодстЬ 95 иеть эрзянь моронь, стихень, ёвтамонь ды ёвксонь ладсицянтень СерафимаМарковна Люлякинанень. Арсян, арась истямо эрзянь ломань, конась аволизе сода сонзэ лементь. Сы иестэнть кармить 25иеть, кода сон тусь юткстонок Числав Журавлёвонь валонзо коряс тов, «косо эри шкась». Серафима Марковна Люлякина,сонзэ шкинемазо (творчествазо) ульнесь пек содавикс ды эрявикс эрямо шкастонзо ды нейгак, зярдо сон мартонок арась. Сон ульнесь РСФСР-нь ды СССР-нь раськетнень шкинемань ванкшноматнесэ ды фестивальтнесэ изницякс, казезь СССР-нь культурань министерствань «Отличник культурного шефства на селе» тешкссэ(1986), Мордовской АССР-нь Государственной премиясо ды Мордовиянь комсомолонь премиясо (1992), яволявтозь республикань культурань заслуженной роботникекс (1990). Эйстэнзэ кортыть кода Пазонть пельде шкинемань ломанде.
МОРОНЬ ГАЙТЬ ЛЮЛЯКИНА С.М
САСЬ МИНЕК ПОКШИГНАТБУЕНЬ 31 № "ВОСХОД" ГАЗЕТАСЬ ДЫ ТОСО МОНЬ ЛЮЛЯКИНАДО ЗАМЕТКАСЬ (ловнынк, ялгат, бути ули меленк).
СОН ТЕЧИЯК МАРТОНОК…
(Алтави Серафима Марковна Люлякинанень 95 иень топодемантень )
Тедеде, медьковонь 29-це чистэ топодстЬ 95 иеть эрзянь моронь, стихень, ёвтамонь ды ёвксонь ладсицянтень Серафима
Марковна Люлякинанень. Арсян, арась истямо эрзянь ломань, конась аволизе сода сонзэ лементь. Сы иестэнть кармить 25
иеть, кода сон тусь юткстонок Числав Журавлёвонь валонзо коряс тов, «косо эри шкась». Серафима Марковна Люлякина,
сонзэ шкинемазо (творчествазо) ульнесь пек содавикс ды эрявикс эрямо шкастонзо ды нейгак, зярдо сон мартонок арась. Сон ульнесь РСФСР-нь ды СССР-нь раськетнень шкинемань ванкшноматнесэ ды фестивальтнесэ изницякс, казезь СССР-нь культурань министерствань «Отличник культурного шефства на селе» тешкссэ
(1986), Мордовской АССР-нь Государственной премиясо ды Мордовиянь комсомолонь премиясо (1992), яволявтозь республикань культурань заслуженной роботникекс (1990). Эйстэнзэ кортыть кода Пазонть пельде шкинемань ломанде.
ялгакс. Теевинек содавиксэкс мартонзо, зярдо ансяк ушодокшнынь важодеме школасо
эрзянь классо тонавтыцякс. Эрявсть тень се шкастонть эйкаштнэнень мельстуиця
стихть, морынеть, налксемат эрзянь кельсэ, ансяк саемс сынст ульнесь а косто. Мон сёрмадынь сёрма Марковнанень,
ды сон кармась тень лездамо: кучнесь, мезе мон вешан, макссь тень превспутомат тонавтомань
тевсэнть, кортыль: «Кунсоломак, тейтернем, мон монсь тринь сисем пакшат ды
кемнилее нуцькат, кемть тень, монь покш опытэм…» Нама,
кортамось сёрмасонок ульнесь аволь ансяк тонавтомань тевтнеде, Серафима
Марковна ёвтнесь эсензэ мелявкстнэдеяк, ков якась, кинь марто вастневсь, мезесь
кецявтызе, мезэсь нусмалгавтызе. Ёвтнесь сеть школатнеде ды эйдень кужотнеде,
ков тердекшнызь инжекс, кода тосо ашти эрзянь келентень тонавтомась. Серафима
Марковна вастневсь аволь ансяк Саран
ошонь эйкакштнэнь марто, сон ютынзе малав весе райононь школатненьгак. Пек
мелявтсь сказительницась тиринь келенек
кис. Котоксть савкшнось монень вастовомс мартонзо.
Седеяк малавиксэкс теевинек, зярдо Марковна
сакшнось инжекс Игнатвелев, минек школав. Ульнесь весе класстнэсэ, эйдень
кужосо, библиотекасо, якась зярыя учреждениятнева, тейсь культурань кудосонок
концерт вишкатненень ды покштнэнень. Ламо сестэ кортынек мартонзо. Мейлеяк
сёрмалинек вейке вейкенек туртов сёрмат.
Мон кунсолынь, ванынь те эрзянь ине аванть
лангс ды неинь, кода сон вечксазо тиринь келенек, кода вечксынзе ломантнень ды
зяро сонзэ эйсэ эрямонь вий. Кода сон машты кирвазтеме те вечкеманть лия ломанень оймес.
Те шкантень сон уш сёрмалиль сёрмат минек
школань ламо тонавтницятнень ды тонавтыцятнень марто. Концерттэнть мейле сонзэ
вечкицянзо седеяк ламолгадсть.
Паряк,
секскак сонзэ сэредемась, куломадонзо кулясь
миненек ульнесь пек стака ёжомарямокс.
Эрьва иестэ
Игнатвелесэнек ютавтнинек сонзэ ледстнемга концерт. Эрьва иестэ минек буень
«Восход» газетасонть лиснить сёрмадовкст Серафима Марковна Люлякинадо.
Максимовна, панжсь Одноклассник сайтсэнть группа «Моронь гайть. Люлякина», косо
пурназь сказительницадонть ламо фотографият ды сёрмадовкст, путозь ламо сонзэ гайгиця морот ды невтемат. Карминек
содамо, кода вечксызь Серафима Марковнань весе Россиянть келес ды мик лия
масторгаяк, косо улить эрзят. Тосто
васенцеде ловнынек рузонь кельсэ Тамара,
Зинаида, Галина ды Елена тейтерензэ авадост ледстнематнень. Вана уш лиссь СЯТКО
журналонь медьковонь 7-це №, косо неть ледстнематне путозь эрзянь кельсэ. Кодат
сынь седейс совицят ды талновтыцят! Сынст эйстэ неяви тенек, кодамо вечкиця
авакс ульнесь Серафима Марковна.
Вана вишка пелькскеть неть ледстнематнестэ: «Минь
вечктяно ледстнеме телень кувака чокшнетнень, зярдо лампань толвалдосо аванок пурнылимизь
перьканзо ды кармиль ёвксонь-мезень ёвтнеме. Веенсттнэнь ловнокшнынзе книгасто,
омбонсттнэнь ладсилинзе сонсь. Нетнень минь вечкилинек сехте пек. Кудопотмось
пешкедиль ки соды мень кашторксто. Лампась кайсиль кувака сулейть. Весе те
тандавтниль ды теке шкане пештиль седеенть аёвтавикс ёжомарямосо. Минь истя
вечкилинек ды истя учнилинек неть чокшнетнень…»
« Вадря эрямо мельга пансемс сестэ эзь
савкшно. Эзинек сода тантей ярсамкаткак. Ансяк солыль ловось, яксилинек
эльденачко, умбрав, аниська, идем чурька
ды ярсамокс маштовиця лия тикше мельга. Аванок сеедьстэ пидсесь
пиципалаксонь ям, конань ашолгавтнесь ловсосо. Пек тантеельть пряканзо.
Парсесь-преявтнесь дураккуярт ды сахаронь якстерькайть, мейле костнесь сынст
каштлангсо. Эзь стувтово, кода вийсэ симдтнесь эйсэнек калойде. Ды истямоськак:
ашти аванок каштомикеле, нежедизе прянзо ухватнедентень ды теке чувтомсь,
паряк, арси, мезде течи минек андомс. Теде башка, эрявкшнынек оршамс, карсемс…
Секскак сеедьстэ сон кекшиль цюланс ды салава авардиль… Лисиль тосто уш коське
сельме марто ды одов кундыль эрьвачинь тевезэнзэ. Тень юткова таго секе-тев
пеедькшниль, морсиль… Седеяк полавтовиль велеушова якамсто, вирьс совсемстэ,
ков вечкиль сайнеменек. Весе чачозо прок валдомиль, кенярксось валозь валовиль
ойместэнзэ…»
свал ледстнить Раськень ды Велень озкстнэсэ ды лия паро тевтнесэ, конатнень
ютавтокшныть.
Нижегородской
областень Лукояновской райононь этнопарксо, косо ламо иеть ютавтовкшы национальной
культурань регионъютконь «Эрзянь
лисьмапря» фестивалесь, 2016 иестэнть панжозель мемориальной ледстямонь лаз С.М.Люлякинаненьгак. Тедеде (ды, арсян, эрьва
иестэ, зярс карми улеме те фестивалесь) сказительницантень путозельть
вечкицянзо пельде цецянь пусмот.
Сонзэ
шкинемазо совавтозь эрзянь тонавтомань книгатнес.
Сонзэ моровтомо а ютакшны вейкеяк эрзянь концерт!
Ансяк ялатеке, минь эрьва иестэ панжтано
эсенек туртов мезеяк од те эрзянь ине авадонть. Саран ошсо ули 1 № музыкальной школа, косо
панжозь «Разноцветная палитра» эйкакшонь вейсэндявкс (ветитязо музыкань
тонавтыцясь Малькова Светлана Васильевна). Тозонь совавтозь эрьва кодамо
раськень, конат эрить Саран ошсо, эйкакшт. Эрьва иестэ сынь ютавтнить покшчить,
конат алтазь кодамояк раськень содавикс ломаннень. 2017 иенть сынь алтызь Серафима
Марковна Люлякинань 95 иень топодемантень. Светлана Васильевна тонавтницянзо марто тейсь покштояк покш важодема,
пурнасть ламо од материалт Люлякинадо. Васняяк, Саран ошонь А.И.Полежаевень музейстэ, косо ванстовить Серафима Марковнань
зярыя кедьсэсёрмадозь тетрадензэ- рукописензэ, оршамонзо ды лия мезе. Казань ошонь «На волжских просторах» киностудиянь
архивстэ Малькова ускинзе покш бобинасо кинолентатнень, косо ульнесть вишка
пелькскеть Серафима Марковнадо, конатнень паро фильмань теемга эрявсть тосто печксемс ды цифровамс... Ансяк сонсь соды те авась, зяро вий ды шка
эрявсь путомс тензэ те важодемантень! Эйкакштнэ морызь Серафима Марковнань
моронзо, конат косояк икеле эзть марявкшно ды эзть гайге. Мария Стуклова -
сынст икеле шкань тонавтницяст, ней тонавтни Казаньсэ консерваториясо. Сон
пурнынзе – сёрмадынзе, кода тосонь эрзятне эсест ладсо морсить Люлякинань
моротнень ды невтинзе тенек концертсэнть. Концерт-посвящение « Жемчужина в
ожерелье эрзянского фольклора. Серафима Люлякина» - истямо лем ало ютавтызь
сынь покш концертэст панжиковонь 5-це чистэ. Сакшность тов Саран ошонь Люлякинань
содыцянзо, Самарасто - сказительницанть Зинаида тейтерезэ.
Моньгак тердекшнымизь те концертэнтень. Кода талновтымизь
минек Люлякинадо теезь фильманть кадратне! Сынст лангсто морась ды кортась
Серафима Марковна! Аволь истямо, кодамокс содылинек сонзэ минь, седе од, седеяк
мазый… Мик сельведенекак ламоксть туекшнесть чудеме. Арсезевинь: вана эштё вейке ломань кармась
«сэредеме» Серафима Марковна Люлякинань шкинемасонзо! Ды мезесь дивавты: те
авась рузонь! Люлякинань пек ламо сёрмадовксонзо ульнесть теезь рузонь кельсэяк.
Люлякинанень алтазь вастовома А.И.Полежаевень музейсэнть. Истя жо тов
тердезельть сказительницанть содыцянзо ды кизэнь лагерьсэ оймсиця эйкакшт.
Серафима Марковнадо кортасть ды ледстнесть О.В.Дулкин, С.В.Малькова,
С.А.Ламбина, Т.М.Ковалёва, Р.Д.Жегалина ды лият.
Ветясь Люлякинадо кортнематнень музеень
важодицясь Галина Петровна Евстигнеева. Сон ёвтнесь сеть материалтнэде, конат
улить Люлякинань эйстэ музейсэнть.
Светлана Васильевна Малькова тонавтницянзо
марто морызь Люлякинань зярыя моронзо, невтсть ванстыця някань тейнемань коряс мастер-класс,
ютавтсть викторина Люлякинадо ды эрзянь авань оршамотнеде. Викторинасо
изницятненень максозельть някинеть.
чачома чистэнзэ Самара ёнкссо Нижнеягодное тиринь велесэнзэ ютавтозель сонензэ
алтазь покш концерт. Покш мелем монь пачкодемс тов ды молемс те концертэнтень. Ды
монь мелем топавтовсь! Пачколинек тов С.В.Мальковань тонавтницянзо марто вейсэ.
Сакшнось тов истяжо Ульяновск ёнкссто Старый Пичеур велестэ Александр
Васильевич Бурлаков – эрзянь келень тонавтыцясь, кавто морокуронь: покшонь -
«Килейне» ды эйкакшонь - «Эрзянка» ветицясь. Минек пек лембестэ вастымизь
Марковнань Зинаида тейтерезэ, удынек кедьсэнзэ. Валске марто Самарань раськетнень
ялгаксчинь кудонть вакссто «Масторава» хорсонть морыцятнень марто вейсэ
сыргинек автобуссо Нижнеягодноев. Весе мелявкстнэнь кувалманок саинзе Любовь
Александровна Колесникова прявтось. Сон сонськак чачсь-кассь те велесэнть, косо
эрясь Серафима Марковна. Автобусось ускимизь калмолангонтень, косо калмазь
Марковна. Путынек цецят, сюконинек эрзянь ине авантень. Мон ёвтнинь тензэ, кода
вечксызь сонзэ, кодамо эрявикс нейгак сонзэ шкинемазо (творчествазо)
эрзятненень Саша
Бурлаковонь Марковна ловсь "тиринь цёрынекс." Калмамстонзо Саша сонзэ эрзякс лайшизе.
Тесэяк Александр кортась Марковна марто лайшемань валсо. Минь авардинек,сонзэ лайшеманть кунсолозь.
Нижнее Ягодное велень клубсонть теезель
С.М.Люлякинанень алтазь концерт. Васня морызь анокстазь морост велень азортнэ, ёвтнесть
стихть эйкакшкетне. Мейле максозель вал Подбельск велень (тосо чачсь Люлякина)
«Ялгат» морокуронтень. Сынст мородост
мейле - «Масторава» хоронтень…
Минек,
инжетнень, кортамонок ушодынзе С.В.Малькова тонавтницянзо марто . Сынь
ёвтнесть, кода теезель Люлякинадо фильмась ды невтизь сонзэ. Истямо покш мель
марто сон ванозель! Пек талновтымизь фильмань кадратне, Марковнань вайгелезэ. А
зярдо Серафима Марковна экранстонть раужо пацясо кармась морамо «Ливтить
письмарт» лайшеманзо, весе стясть ды вансть стядо … Ламодо, мезе
невтезель ды ёвтазель фильмасонть эзть сода мик тейтерензэяк. Кургонь автезь
весе вансть. Ламонь сельведесткак эзть кирдеве…
Александр Бурлаков ёвтнесь, кодамо паро
кувалманзо ульнесь Серафима Марковна,
ловнызе книгасто эйкакшпингень сёрманзо, конань кучокшнызе Люлякинанень.
Сон яволявтсь весенень: «весе, мезе мон алтынь Серафима Марковнанень, мон
топавтынь: теевинь изницякс «Россиянь сехте паро тонавтыця» пелькстамосонть, получинь
Россиянь президентэнь грант, ветян кавто эрзянь морокурот, колмо тейтерень тетяян,
эйкакшонгак бажить тетяст ладсо эрзянь тевтнес, ним марто теинек кудораськень
(семейной) ансамбля ды ламоксть изнинек эрьва кодамо фестивальсэ…» Мейле таго
морот, стихть ….
Моненьгак
ульнесь мезде ёвтнемс Люлякинанень ды сонзэ велень эрицятненень.
Вал максозель Люлякинань тейтерензэ туртов :
Зинаида ды Тамара Максимовнатненень. Зяро сюконямонь валт пельдест ёвтазельть
весенень, кить пурнавсть те вастомантень!
Зинаида Максимовна невтизе кедьсэ сёрмадозь ды пурназь «И ЭТО ВСЁ О
НАШЕЙ МАМЕ» книганть. Истят книгат сон тейсь ламо. Тень, конадонть кортась,
максызе минек вельде А.И. Полежаевень музеентень.
Монень неть вастоматне, ды, арсян,
лиятнененьгак – ульнесть пазонь казнекс. Паряк, сонсь Серафима Марковна - вечкевикс
тонавтыцям, лездыцям, превспутыцям, ялгам лездась тенек…
Минек
Игнатбуесэяк тейтяно Люлякинанень алтазь концерт. Тейсынек таштамковсто, зярдо ушодови
тонавтнемань иесь. Меленек марямс, кода одтнэ, касыцятне морыть ды ёвтнить
С.М.Люлякинань моронзо ды стихензэ. Тердьсынек весень, кить содылизь ды вечкилизь Марковнань. Невтьсынек весенень Люлякинадо фильманть, кона эштё кувать а карми путозь интернетс.
лемдязельть Люлякинань тейтерензэ «Сятко» журналсо ледстнематне. Арсян, миненекак,
лия эрзянь ломантненень, сон пек а сатны. Зяроксть эштё саволь тенек инжекс, зяроксть
эштё морсевель ды ёвтневель тенек эсензэ шкинемасто саезь морот, стихть,
ёвтамот…
Сон свал карми эрямо минек оймесэ-седейсэ.
Кармить гайгеме мазый моронзо, кармить ёвтневеме превейть ёвксонзо, ёвтнеманзо,
валморонзо. Зярс, зярос кармить эрямо эрзятне.
Паряк, шкань ютазь, муевить ярмакт, ды Сарансо кудонзо лангскак, косо
сон эрясь 11 иеть, понгавтыть ледстнемань лаз, кармить лисеме книгат сонзэ шкинеманзо марто… Эрямось моли. Марковна течияк мартонок.
Римма ЖЕГАЛИНА