Янка Купала - адзін з духоўных сімвалаў Беларусі.

Ён усё рабіў для таго, каб беларусы адчулі сябе паўнацэнным народам. Гэта постаць, якую ўжо нічым з вышыні сучаснасці нельга зменшыць. Але цяжар прызнання, залічэнні ў процьму класікаў прыводзіць да закамянеласці асобы. Аўтары фільма здымаюць гэтую акаменеласць - праз увесь фільм гучаць вершы. Патрыятычныя, якія апяваюць Беларусь і наш народ, абуджаюць яго ад гістарычнай апатыі і вечнай тугі. Містычныя, якія шэпчуць пра ажыўленне мінулага, што спіць у кургане. І інтымна-лірычныя, напоўненыя патаемнай прыгажосцю, вечнай пачуццёвасцю і смагай да жыцця.