#пазнавальныаўторак Гібель акіянскага лайнера “Тытанік” у 1912 г.

ускалыхнула ўвесь свет і да нашых дзён застаецца адной з самых вядомых марскіх катастроф. А вось пра кампанію, якой належаў карабель, сёння ведаюць нямногія. Брытанская судаходная кампанія “White Star Line” (“Лінія белай зоркі”) была заснавана ў другой палове ХІХ ст. і займалася перапраўкай імігрантаў у Аўстралію. Потым геаграфія перавозак пашырылася, і пасажыры адпраўляліся ў розныя куткі свету. Сярод людзей, якія набывалі квіткі ў прадстаўніцтвах “White Star Line”, былі і нашы землякі. Дарэчы, некалькі ўраджэнцаў Беларусі было і сярод пасажыраў “Тытаніка”. На выставе “Захавальнікі” (сундукі, шкатулкі, каробкі) прадстаўлены багажны куфар, які дакладна знаходзіўся на адным з лайнераў “White Star Line”. На ім захавалася папяровая наклейка з надпісам, які сведчыць, што багаж застаўся незапатрабаваным уладальнікам. Чму так сталася – сказаць немагчыма. Застаецца спадзявацца, што гаспадар рэчаў не падзяліў лёсы пасажыраў “Тытаніка”. #пазнавальныаўторак