#ЭльзаКузьмина

#ДеньПобеды2024
Мемнан Элна чылалан икте,
А ме чыланат тудын улына!
Кузе ок умло тидым Украина,
Америка да моло куштыра?
Кузе коча эртен руш мландым
Шем курныж- немыч кашак деч,
Кызыт уныкан времаже толын
Кыра фашистым эрык верч!
Факел тулым кидыш налын,
Нацист- влак мландынам тошкат
Юмым мыскылен, черкым йӱлалтен
Люцеферыш нуно савырнат!
Кугу Элнам ужашлан шелын,
Руш-влакым пытараш шонат
Тӱня ӱмбачын, пурак семын,
Ӱштыл кораҥдаш тыршат!
Но улыт Элын патыр калык,
Кӧ уло чон ден йӧрата
Пасу покшелне ош вис-висым,
Ужар чодрам, эҥер ден ерымат мокта!
А кӧ ок жапле шочмо мландым,
Куржеш Европпыш, моло вереат
Иле тушто, мондо руш улметым
Эллан от кӱл тый йӧршынат!
Элемлан неле кече годым
Калык шортмым ужынат,
Но тиде тыйым тӱкен огыл,
Мӧҥгешла куанен тый шыренат!
Пуэн Элем тыланет лӱмым
Улан, окса ден иленат,
А кызыт, шакше комак семын,
Вес элыш пикшла чыменат!
Иле, мондо кӧ улметым
Межат мондаш товатлена
Виян да патыр Руш салтакым
Шӱмыштыжӧ кажныже ашна!
/Э. Кузьмина/
Ӱлыл Азъял