Миржалол Қосимов: «Тўраевдан буни кутмаган эдим»

ОКМК бош мураббийи Миржалол Қосимов Суперлига 5-туридан ўрин олган «Бунёдкор»га (0:1) қарши ўйиндан кейинги матбуот анжуманида ўз фикрлари билан ўртоқлашди.
Ягона гол Лутфулла Тўраев томонидан жарима зарбасидан урилган эди.
«Кутганимиздек, жанговар, чиройли, шиддатли ва курашларга бой ўйин бўлди. «Бунёдкор» тўпни яхши назорат қилувчи жамоа эканини билардик.
Оддий вазиятларда кўп хато қилдик, ёмғир ҳам бизга ҳалал берди. Шунга қарамасдан охиригача курашдик. Оддий хато туфайли гол ўтказиб юбордик. Оддий вазиятда дарвозабонимиз тўпни қўлидан чиқариб юборди, натижада бурчак зарбаси. Ундан сўнг ҳал қилувчи жарима зарбаси...
«Бунёдкор» ҳам яхши ўйнади. Тўраевдан бундай зарбани кутмаган эдим...
Легионерлар жамоага мослашиб кетолмаяпти. Умуман олганда барча футболчилар мослашиб кетолмаяпти. Бизга етакчи етишмаяпти. Афсуски, мавсумдан олдин керакли футболчиларни ололмадик. Ҳужумларни бошлашда жуда оқсаяпмиз», - деб Қосимов сўзларини келтирмоқда Tribuna.uz мухбири.