» Абяцанне будаўніцтва кватэр у Воршы і Барані, што выміраюць. Каб забяспечыць прадпрыемствы Воршы працоўнай сілай, неабходна «скарэктаваць падыходы ў жыллёвым будаўніцтве», заявіў Аляксандр Лукашэнка, наведваючы з нагоды Вялікадня 5 траўня Свята-Ільінскі храм Свята-Успенскага жаночага манастыра. «Я еду і думаю, што нам давядзецца тут будаваць пабольш жылля, каб прыцягнуць людзей, — цытуе Лукашэнку яго прэс-служба. — У іх не хапае людзей. Гадоў 20 таму няма куды было падзець — беспрацоўе. Цяпер людзі працаўладкаваныя». Паводле яго слоў, прадпрыемстваў у Аршанскім раёне шмат: «І ў Барані, і паміж Баранню і Оршай. Усюды. І ў сельскай гаспадарцы». Ён лічыць патрэбным будаваць жыллё, як «у савецкія часы было». «Ствараем нейкае прадпрыемства самавітае, а вакол яго — жыллё. Каб людзей прыцягнуць. І нармальны заробак. Гэта такія разважанні, калі я пад’язджаў да свайго і вашага роднага месца», — адзначыў Лукашэнка. Пры гэтым насельніцтва Воршы няўхільна скарачаецца шмат гадоў. Людзі выміраюць і выязджаюць у іншыя гарады і краіны. У 2001 годзе ў горадзе пражывала 123 247 чалавек, на 1 студзеня 2024-га, паводле звестак Белстата, — 102 759. У 2018 годзе насельніцтва Воршы складала 115.052 чалавекі — да пачатку гэтага года яно зменшылася на 10,7%. Паводле тэндэнцыі, прыкладна да 2028 года Ворша з такімі тэмпамі перастане быць стотысячнікам. У Барані насельніцтва змяншаецца марудней: было 10 301, цяпер - 10 245 чалавек. То бок, праз 2-3 гады ў Барані не будзе 10.000 насельніцтва.
orsha.eu
«Больш жылля!
»
Абяцанне будаўніцтва кватэр у Воршы і Барані, што выміраюць.
Каб забяспечыць прадпрыемствы Воршы працоўнай сілай, неабходна «скарэктаваць падыходы ў жыллёвым будаўніцтве», заявіў Аляксандр Лукашэнка, наведваючы з нагоды Вялікадня 5 траўня Свята-Ільінскі храм Свята-Успенскага жаночага манастыра.
«Я еду і думаю, што нам давядзецца тут будаваць пабольш жылля, каб прыцягнуць людзей, — цытуе Лукашэнку яго прэс-служба. — У іх не хапае людзей. Гадоў 20 таму няма куды было падзець — беспрацоўе. Цяпер людзі працаўладкаваныя».
Паводле яго слоў, прадпрыемстваў у Аршанскім раёне шмат: «І ў Барані, і паміж Баранню і Оршай. Усюды. І ў сельскай гаспадарцы».
Ён лічыць патрэбным будаваць жыллё, як «у савецкія часы было».
«Ствараем нейкае прадпрыемства самавітае, а вакол яго — жыллё. Каб людзей прыцягнуць. І нармальны заробак. Гэта такія разважанні, калі я пад’язджаў да свайго і вашага роднага месца», — адзначыў Лукашэнка.
Пры гэтым насельніцтва Воршы няўхільна скарачаецца шмат гадоў. Людзі выміраюць і выязджаюць у іншыя гарады і краіны. У 2001 годзе ў горадзе пражывала 123 247 чалавек, на 1 студзеня 2024-га, паводле звестак Белстата, — 102 759. У 2018 годзе насельніцтва Воршы складала 115.052 чалавекі — да пачатку гэтага года яно зменшылася на 10,7%. Паводле тэндэнцыі, прыкладна да 2028 года Ворша з такімі тэмпамі перастане быць стотысячнікам.
У Барані насельніцтва змяншаецца марудней: было 10 301, цяпер - 10 245 чалавек. То бок, праз 2-3 гады ў Барані не будзе 10.000 насельніцтва.