Тошкент темир йўл муҳандислари институти, Тошкент автомобиль йўлларини лойиҳалаш, қуриш ва эксплуатацияси институти ва Тошкент давлат техника университетининг авиакосмик технологиялари факультети негизида Тошкент транспорт университети ташкил этилади.

Бу ҳақда Норматив-ҳуқуқий ҳужжатлар лойиҳалари муҳокамаси порталига жойлаштирилган “Транспорт соҳасида кадрлар тайёрлаш тизимини тубдан такомиллаштириш чора-тадбирлари тўғрисида”ги президент қарори лойиҳасида айтилади.
Университет Тошкент шаҳридаги Адилходжаев кўчаси 1-уйда жойлашади.
Университет ректорининг биринчи ўринбосари юқори малакали хорижий мутахассис бўлиши айтилмоқда.
Университет фаолиятини давлат бюджети маблағлари, ўқитишнинг тўлов-контракт шаклидан тушган маблағлар, хўжалик фаолиятидан ва шартнома асосида хизматлар кўрсатишдан тушган тушумлар, жисмоний ва юридик шахсларнинг ҳомийлик ва хайрия маблағлари, халқаро молия ташкилотларининг грантлари ва қонун ҳужжатларида тақиқланмаган бошқа манбалардан молиялаштириш кўзда тутилган.
Лойиҳа муҳокамаси 13 мартгача давом этади.