Ўзбекистон халқ ёзувчиси, ўзбек болалар адабиётининг энг йирик намояндаларидан бири Худойберди Тўхтабоев 21 март куни 88 ёшида вафот этди.

Ёзувчининг жанозаси, маҳаллий нашрлар хабарига кўра, 22 март куни пешин намозидан сўнг ўқилади.
Х. Тўхтабоев 1932 йилнинг 17 декабрида Фарғона вилоятининг Ўзбекистон туманига қарашли Катта Тагоб қишлоғида туғилган. У 1955 йили Тошкент Давлат университетини тамомлаган.
Худойберди Тўхтабоев 1958 йилдан бошлаб Ўзбекистондаги қатор газета ва журналларда фаолият юритган.
Ёзувчининг “Сеҳрли қалпоқча”, “Сариқ девни миниб”, “Сариқ девнинг ўлими”, “Беш болали йигитча”, “Қасоскорнинг олтин боши”, “Йиллар ва йўллар”, “Сеҳргарлар жанги ёки ширин қовунлар мамлакатида”, “Мунгли кўзлар”, “Омонбой ва Давронбой саргузашти”, “Жаннати одамлар” ва бошқа асарлари ўзбек китобхонлари орасида маълум ва машҳурдир.