Ozodlik Radiosi
7 авг 2023

Раъно Жўраева Uzbekistan Airports раҳбари лавозимидан бўшатилди

Uzbekistan Airports АЖ бошқарув раиси Раъно Жўраева билан тузилган меҳнат шартномаси бекор қилинди. Бу ҳақда маълумот тарқатган Транспорт вазирлиги Жўраева ширкат акциядорлари “умумий йиғилишининг тегишли қарорига кўра” ишдан бўшатилганини қайд этган.

Россиядаги “C7 космий транспорт тизимлари” (S7 Space) бош директори вазифасини бажарган, ундан ҳам олдин эса “Роскосмос”га қарашли Ерусти космик инфратузилма объектлари эксплуатацияси марказига раҳбарлик қилган Раъно Жўраева 2021 йилнинг февраль ойи охиридан буён Uzbekistan Airports АЖга етакчилик қилиб келаётган эди.

Транспорт вазирлиги қайдича, Жўраева ширкатда катта ўзгаришларини амалга оширишга эришган.
“Хусусан, аэропортлар инфратузилмасини ривожлантириш, компания бошқарув тизимини такомиллаштириш ҳамда молиявий–иқтисодий кўрсаткичларини яхшилаш борасидаги саъй-ҳаракатлари ўзининг ижобий натижасини берди”, дейилган вазирлик хабарномасида Жўраевнинг ишдан бўшаши сабаблари ҳамда унинг ўз фаолиятини қаерда давом эттиришига оид маълумотлар келтирилмаган.
Раъно Жўраевадан бўшаган ўринга Жавлонбек Умархўжаев тайинланган.

Комментарии