Комментарии
- Предыдущие комментарии
- В начало
- 7 окт 2016 19:44zorku. Yasawi bilasmi uzi. Bulani udostvoreniyasi yaltiro rangli qogoz buladiyu uwanaqa bn yasaladi, ustida gulcalari zarlari buladi eng asosisi kuuup yulduzcalari buladidee))))
- 8 окт 2016 02:34Пахта териб ким улибди пешонасида шундай улим езилган булса пахта еки давлат айбдор маску астафуруллох
- 8 окт 2016 05:35xm akamullo ne buldi sizga. Mxx aka bn suhbatdagi tasurotlarni biz bn ham urtoqlawing. Lickada bizni ham nima kutayotganini bilib olaylik.))
- 8 окт 2016 11:28bogca opamizi hamamiz yaxwi kurib qoldik lekin;&
- 8 окт 2016 12:12кайдан таниман у болачани буни нимага мендан сураяпсиз шеп
- 9 окт 2016 13:24Конешно ясолиман хохлаганизча юлдузча терибераман
- 9 окт 2016 15:00voy qando yaxwi. Mxx okamizdan surab kurmadizmi qacon dars utiwini?
- 9 окт 2016 15:22Ман ролга киришсам у мхх акагахам дарс бервораман
- 9 окт 2016 17:44Йук узимхам ишонибкетаман ролга киришсам
Для того чтобы оставить комментарий, войдите или зарегистрируйтесь
Фарғона вилоятининг Учкўприк туманидаги 1- боғча мудираси Гулноза Холдорова 29 сентябр куни кечқурун туман ҳокимлигидаги пахта теримига бағишланган селектор мажлисига кетаётганида машина уриб ҳалок бўлди.
Воқеа гувоҳларининг Озодликка айтишича, фожеа Учкўприк тумани марказидаги Наврўз шоҳкўчасида 29 сентябр куни кечқурун соат 9 яримда рўй берган.
Аёл йўлни пиёдалар ўтиш жойи бўлмаган қисмидан кесиб ўтаётганида Nexia машинаси уриб юборган.
- Ҳокимиятнинг берироғида уриб юборди уни. У аёлнинг уйи катта йўлнинг бўйида. Селекторга шошиб кетаётган бўлган. Қоронғуда йўлни кесиб ўтаётганида Nexia машинаси уриб юборган. Аёл шу заҳоти ўлди. Ҳайдовчини милиция бўлимига олиб кетишди, - деди исми сир қолишини истаган учкўприклардан бири.
Озодликнинг Тошкент шаҳар ҳуқуқ-тартибот идораларидаги манбаси 37 ёшли Гулноза Холдорованинг ўлими юзасидан тергов-суриштирув ишлари олиб борилиб, “бахтсиз ҳодиса” сифатида расмийлаштирилганини айтди.
Лекин, Ўзбекистондаги пахта мавсумини мунтазам кузатиб келаётган Инсон ҳуқуқлари ҳимоячилари альянси раҳбари Елена Урлаева учкўприклик боғча мудираси “мажбурий пахта терими қурбони” бўлган, деб ҳисоблайди.
- Бизнингча бу аёл Ўзбекистондаги мажбурий меҳнатга асосланган пахта кампаниясининг қурбонидир. Унинг ўлими пахта билан боғлиқ, деб ҳисоблаймиз. Чунки ҳозир бюджет ташкилотлари раҳбарлари уйидан ишга, ишдан пахта теримига, пахта теримидан тунги 2 гача давом этадиган селектор йиғинларига шошади. Ҳар бир ташкилот раҳбари ўз ходимларини пахта тергани ҳақида ҳокимга ҳисобот беради. Боғча мудираларидан ҳам пахта нормаси талаб этилади. Селектор мажлисига кечикиш мумкин эмас, - дейди Елена Урлаева.
Ўзбекистонннинг бошқа вилоят ва туманлари қатори Учкўприк ҳокимлигида ҳам ҳар куни кечки соат 9.30 дан тумандаги барча бюджет идоралари, коллеж, мактаб, боғча директорлари селектор мажлисига йиғилади.
Ярим тунгача давом этадиган бундай селектор йиғинларида пахта теримининг бориши, унда бюджет идораларининг иштироки муҳокама этилади.
Учкўприк тумани Халқ таълими бўлимининг исми сир қолишини истаган ходимларидан бири Озодлик билан суҳбатда: “селектор йиғинларида ҳоким қишлоқ хўжалигига мутлақо алоқаси бўлмаган бюджет ташкилотлари раҳбарларидан пахта нормаси талаб этлади”, - деб айтди.
Селектор мажлиси Ўзбекистон президенти вазифасини бажарувчи Шавкат Мирзиёев бош вазирликка тайинлаган дастлабки йилларда "ихтиро" қилган ўрта ва қуйи поғона раҳбарлар билан мулоқот қилиш усулидир.
Ўзбекистонда ҳар йили пахта мавсуми пайти пахтага мажбуран жалб қилинган ишчилар билан турли бахтсиз ҳодисалар рўй бергани кузатилади.
Бу йилги мавсум ҳам бундай ҳолатлардан мустасно бўлаётгани йўқ.
Бу йил, Озодлик радиоси хабарига кўра, мажбурий пахта терими сиёсати билан боғлиқ камида иккита одам ўлимига олиб келган воқеа юз берган.
Хусусан, 28 сентябр куни тиббиёт ходимлари далада пахта тераётгани сабабли, тўлғоқ билан "Тез ëрдам"да Ғузор туғруқхонасига олиб келинган 21 яшар аëлга қарийб бир сутка ҳеч қандай тиббий ëрдам кўрсатилмагани боис унинг чақалоғи оламдан ўтди.
11 сентябр куни эса Андижон вилоятида мажбурий пахта теримига жалб этилган Университет талабаси Комилжон Азимов ҳалок бўлди.
Инсон ҳақлари ташкилотларининг ўқувчи ва талабаларни мажбурий меҳнатга жалб қилмаслик ҳақидаги чақириқларига қарамасдан Ўзбекистон ҳукумати бу талабларни жавосиз қолдириб келади.
"Cotton Campaign" ташкилоти ўтган йил пахта терими мавсумида Ўзбекистонда жами 1 миллион одам мажбурий меҳнатга мажбурланганини билдирган. Пахта далаларида эса камида 11 одам ўлгани билдирилганди. http://www.ozodlik.mobi/a/ozbekiston-pahta-qurbon/28033561.html