Равшан Эрматов 2018 йилда Россияда ўтадиган Футбол бўйича Жаҳон чемпионатига ҳақамлик қилиши мумкин бўлган номзодлар рўйхатига киритилди.

Ўзбекистон Футбол федерациясининг билдиришича, Эрматов 3−7 апрель кунлари Италиянинг Флоренция шаҳридаги Коверчано тайёрлов марказида бўлиб ўтадиган семинарга таклиф қилинган. Мазкур семинарга Жаҳон чемпионатига ҳакамликка номзод 53 киши таклиф қилинган.
Равшан Эрматов 2010 ва 2014 йилдаги Жаҳон чемпионатларида жами 9 та учрашувни бошқариб, жаҳон рекордчиси айланган. Шунингдек, у тўққиз карра Ўзбекистоннинг, беш карра Осиёнинг энг яхши ҳаками, Global Soccer Awards мукофотининг «Жаҳоннинг энг яхши ҳаками» номинацияси ғолиби. «Ўзбекистон ифтихори» кўкрак белгиси, «Эл-юрт ҳурмати» ва «Буюк хизматлари учун» орденлари соҳиби бўлган. http://www.ozodlik.org/a/28306003.html