Комментарии
- Предыдущие комментарии
- В начало
- 10 июн 2017 11:36Калби пок инсонлар АЛЛОХНИ йулида чин калбдан ният килган булса Отахони ниятларини пучга чикарган бандалар хеч ким эмас..АЛЛОХНИ карами кенг хамма ишга кодир борип келган ажр савобларини берган булсин
- 11 июн 2017 19:49бировга лакб куйган инсонни. Еоки бошка бров куйган лакаб блан бировга мурожат килган бандани савол жавоби жуда каттик буларкан. Отахон чегарага боргунча додо ота бобо жди. Утолмаганидан кеин чайка булдими. Э яхшимас. Балки шу ююрган йулида Аллох унга хажниг савобини еозган булса ажабмас
- 15 июн 2017 16:47Бориб келганида буларди яхши ният билан сафарга чиккандилар .Оллохим хар мумин бандани шундай азиз Хаж зиератларига мушарраф айласин .
- 16 июн 2017 12:35Билмасам шу ерда коментда укидим турманистон границадан кайтганмиш виза йукми деб езишган
- 19 сен 2017 16:37Хусан чайка хожи хакида нима янгилик бор билганлар ёзинглар илтимос
Для того чтобы оставить комментарий, войдите или зарегистрируйтесь
"Ҳусан Чайка" велосипедда энди Ҳажга йўл олди
2 июл куни саҳарда Чортоқдаги уйидан велосипедда Ҳажга йўлга чиққан Ҳусан ота пешинга яқин Тошкент вилоятининг Ангрен шаҳрига етиб келганини айтди.
- Ангрен, Оҳангаронга буриладиган йўлдаги патир бозоридаман, тушлик қилиб турибман ҳозир. Бугун кечга яқин Оҳангаронга бориб самоварнинг (чойхона -таҳр.) қоровулхонасида тунайман. Ўша ерда биродарим бор. Эртага саҳар 4 да яна дальше кетаман”, - деди Ҳусан Ҳожибоев Озодлик мухбирига.
Масофа 5 минг километр, тезлик соатига 20 километр
Ўзбекистондан Ҳажга элтувчи йўл Туркманистон, Эрон, Ироқ орқали ўтади.
Узоқ йиллар ҳайдовчи бўлиб ишлаган Ҳусан бобо Саудия Арабистонига элтувчи бу йўлни қийинчиликларсиз босиб ўтишига ишонишини айтади.
- Бухородан Туркманистонга ўтаман. У ердан Эронга, кейин Ироқ. 29 май куни Вазирлар Маҳкамасида суҳбатда бўлдим. Уларнинг руҳсатини олдим. Визаларни ҳам олдим. Мени ўзим шофёр бўлганман, тўртта категориям бор. Ҳаётимни 31 йили йўлда ўтган. Йўлни яхши биламан. Сабр-қаноат билан шу йўлни велосипедда босиб ўтамиз-да. Ўзимга ишончим бор, ишончим бўлмаса чиқмас эдим, - дейди Ҳусан бобо.
Ҳажга велосипедда йўлга чиққан нафақахўр йўлда таниш-нотаниш одамларнинг уйида ёки очиқ осмон остида тунаб қолишни режалаган.
Нега велосипедда Ҳажга йўлга чиқдингиз, деган саволга Ҳусан Ҳожибоев:
“Велосипедда боришдан мақсад, биринчидан, Ҳаж зиёрати ҳаражатларини оилам кўтаролмайди. Иккинчидан, менинг бобом ҳам ўтган асрнинг бошларида Ҳажга пиёда борган эканлар-да. Шунинг учун мен велосипедимда кетяпман”, - деб жавоб қилди.
"Кичик ҳаж"дан энди каттасига
Ҳусан бобо велосипедда биринчи марта узоқ сафарга чиқаётгани йўқ. У ўтган йил сентябр ойида Чортоқдан Самарқандгача бўлган 520 км йўлни велосипедда босиб, президент Ислом Каримовнинг қабрини зиёрат қилиб қайтган эди.
Ҳусан Ҳожибоевнинг зиёрати тўғрисидаги Озодлик хабарини ўнлаб Интернет нашрлар кўчириб босганидан сўнг, оқсоқол машҳур бўлиб кетди.
Facebook ижтимоий тармоғида Ҳусан бобонинг Самарқандга велосипедда қилган зиёратини “кичик ҳаж”га тенглаштирганлар бўлди.
Бир гуруҳ энтузиастлар пул йиғиб, у кишига янги велосипед совға қилишганди.
- Ўтган йил “Озодлик” кампанияси туфайли олган биринчи класс велосипедимда мана Ҳажга кетяпман. Каримовни қабрига борган эски велосипедимни музейга олиб қўйишган. Ўрнига буни совға қилишди”, - дейди Ҳусан бобо.
Ҳусан Ҳожибоев Ҳажга велосипедда йўл олган илк ўзбекистонлик эмас. Етти йил аввал тошкентлик нафақахўр Абдусаттор Ўрмонов Ҳажга велосипедда борган эди.
Етти марта Ҳажни зиёрат қилган 65 ёшли Абдусаттор ота тўрт йил аввал рафиқаси билан мотоциклда Ҳажга боргани ҳақда Озодлик хабар берган эди.
Наманганлик Ҳусанбобони Ҳаждан қандай қайтиш ҳозирча унча ўйлантирмайди.
- Ҳажга бориб олсам бўлди. Қайтиш бир гап бўлар. Ўзбекистон элчихонаси ёрдам қилса самолётда қайтаман. Ёрдам қилмаса велосипедда қайтавераман, - дейди Ҳусан Ҳожибоев.
https://www.ozodlik.org/a/28524749.html