Комментарии
- Предыдущие комментарии
- В начало
- 13 июн 2017 13:45Iltimos yaxshilar yordam beringlar mani ishdan stavkami olib quyishgandi endi bushatishmoqchi 6 yildan oshdi ishlaganimga hama qatori pul bergandim porani kataroq surayapti yangi ishga kiruvchil hamshiralarni puli kup bularmish
- 13 июн 2017 13:46Iltimos yaxshilar yordam beringlar mani ishdan stavkami olib quyishgandi endi bushatishmoqchi 6 yildan oshdi ishlaganimga hama qatori pul bergandim porani kataroq surayapti yangi ishga kiruvchil hamshiralarni puli kup bularmish
- 13 июн 2017 14:45Qanaqa anglya futboldi vatani ozimizi ot tikan bosgan dalalaru ..
- Комментарий удалён.
- 13 июн 2017 15:20Айтишича биттасини синглиси еки опаси бн муносабати булган орият бу кайси йигит чидайди бунга укитувчиларга келсак умуман айби йук Ота онасини узида айб негак 100 фойиз ишонаманки уларни узи бошкаролмаган болани укитувчи бошкараолмайди
- 13 июн 2017 20:43Qaysi tuman va nechanchi oilaviy paliklinika ozi
- 14 июн 2017 03:52Гапизга юз фоиз кушиламан! Туккиз йил мактабда укиган ешла колледжга укишга кирганидан кейин узини котта буб коган хисоблашвотти, билим даражаси ноль, умуман хозирги укувчилани тарбияси узгариб кетган бутунлай!
- 14 июн 2017 20:17joyi jannatda bölsin, oxirati obod bölsin diymizu, lekin uniyam yawawga oila quriwga farzandli böliwga haqqi boridiku. Vijdonsizlar wu darajada ham uradimi? Ular insonmas vaxwiy hayvon.
- Комментарий удалён.
- Комментарий удалён.
- Комментарий удалён.
- 22 дек 2017 14:54Bu baroski o'zidan ketib qoludida o'qtuchilari bolari man man bop qoludi nizashto be gunox bola o'lip keti aslida o'qtuchilarini qamash kere edi uvol ketti bu bola
Для того чтобы оставить комментарий, войдите или зарегистрируйтесь
Ozodlik Radiosi
Калтаклаб ўлдирилган Жасурнинг ўқитувчилари босим бўлаётганидан шикоят қилди
Ҳафтасига 7 кун иш
11 июнь куни П.Ф. Боровский номидаги Тиббиёт коллежининг ўқитувчилари якшанба куни бўлишига қарамасдан, коллежга келишга мажбурланди.
Ўқитувчилар номидан Озодликка келган мактубда ўқитувчилар бундан кейин дам олишсиз ишлаши ва уларга меҳнат таътили берилмаслиги айтилган:
"Ўрта махсус таълим маркази директори Боровский ўқитувчиларини якшанба куниям ишлатиб, яна бу йил умуман меҳнат таътили бермасдан нимага эришмоқчи? Бу қайси қонунчиликка тўғри келади? Умуман дам олмаган ўқитувчи эртага қандай қилиб дарс беради?", дейилади ўқитувчилар номидан келган хабарда.
Ўқитувчиларга Жасур ўлими учун "жазо"
Озодлик билан суҳбатда коллеж ўқитувчиларидан бирининг иддао қилишича, Жасурбек Иброҳимов ўлими учун уларга шу тариқа жазо беришаяпти:
“Эски директоримизни ишдан олишгач, ҳали янгиси тайинланмади. Ҳозирча Гулчеҳра Алимова вақтинча директор ўрнида. Ҳали коллежимизда текширувлар давом этаяпти. Қачонки, йиғилиш ўтказишса, “Сизлар бефарқ бўлмаганингда, шу можаро бўлмасди”, деб Жасурнинг ўлими учун бизни айблашаяпти. Ўзи бу текшир-текширлар, айбловлардан асабларимиз чарчаганди, энди эса дам олишсиз ҳам ишлатишмоқчи. Очиғи ўқитувчилар ҳаммаси жуда эзилиб кетди”, дейди микрофонсиз суҳбатда коллеж ўқитувчиси.
Раҳбарият: Дам олиш берамиз!
Коллеж раҳбарияти 11 июнь – якшанба куни ўқитувчилар ишга чиққанини тасдиқлади, бироқ ўқитувчиларни умуман дам олишсиз ишлатиш режаси йўқлигини таъкидлашди:
“Тўғри, кеча ўқитувчиларни чақиртирганмиз. Биласиз, Жасурбек Иброҳимов ўлими билан боғлиқ воқеалар, текшир-текширлар, раҳбариятдаги ўзгаришларни муҳокама қилиш керак эди. Шунинг учун чақиртирдик ўқитувчиларни, лекин уларга албатта дам олиш ҳам, таътил ҳам берилади. Кечаги тадбир энди мавжуд ҳолатни бир таҳлил қилиш учун ўтказилган эди. Кейин ўқитувчиларга ҳеч ким босим қилаётгани ва уларни айблаётгани йўқ. Прокуратура текшираяпти, айбдорларни суд аниқлайди”, деди коллеж мулозимларидан бири.
Директор ва унинг икки ўринбосари ишдан ҳайдалди
Жасурбек Иброҳимов жорий йилнинг 3 май куни ўз курсдошлари томонидан калтакланган.
Кейин эса 5 марта жарроҳлик амалиётини бошидан ўтказиб, жорий йилнинг 1 июн куни оламдан ўтганди.
Ҳозирда жиноятга алоқадор шахслар доирасини аниқлаш юзасидан тегишли тезкор-тергов ҳаракатлари олиб борилмоқда.
Жиноят иши юзасидан олиб борилаётган тергов ҳаракатлари Ўзбекистон Республикаси Бош прокурори томонидан шахсан назоратга олинди.
Прокуратура маълумотига кўра, Иброҳимовнинг ўлими бўйича бир талаба йигит ҳибсга олинган.
Жасур Иброҳимовнинг ўлими ортидан у ўқиган П.Ф.Боровский номидаги тиббиёт коллежи директори Лутфи Юсупова ва директорнинг икки ўринбосари ишдан ҳайдалди.
Ҳозирда Гулчеҳра Олимова вақтинча коллеж директорлигига тайинланган. Директорнинг икки ўринбосари лавозимига ҳам вақтинчалик муовинлар тайинланган.
Жасур Иброҳимовнинг 1 июн куни оламдан ўтгани ҳақидаги хабар 3 июн куни тушдан сўнг Facebook ва бошқа ижтимоий тармоқлардаги гуруҳлар томонидан шиддат билан ёйилди.
500 га яқин одам Жасур Иброҳимов оиласини қўллаб-қувватлаб, айбдорлар жазоланиши талаби битилган петицияга имзо чеккан.
Жасурбек Иброҳимов иши юзасидан ЮНИСЕФнинг Ўзбекистондаги ваколатхонаси баёнот тарқатиб, ўқувчилар орасида зўравонлик ортаётганидан хавотир билдирди ва муаммони ҳал қилишда Ўзбекистон ҳукуматига ёрдамини таклиф қилди.
https://www.ozodlik.org/a/jasur-ibrohimov-borovskiy-tibbiyot-kolleji-kaltaklash/28542765.html