Комментарии
- Предыдущие комментарии
- В начало
- 3 июл 2017 14:41Тадбиркор йигит, Сиз хам бир текин хизмат килинг булмаса, прокурорга, хокимга, милисага, вазирга. Хар бир хизматиз 10 минг долларлик булсин, кейин битта лейтенантча Сизни яхшилаб хакорат килсин рахматига. Ушандаям прокурор хак дер экансизми?
- 3 июл 2017 14:43Озод гнида булса бордир, Президент уни Ёшлар каналига рахбар килдилар харкалай. Ман санъаткорларнинг гапи хак, уларниям мехнати осон эмаслигини айтдим
- 3 июл 2017 14:45КИМ БИЛАН ТОРТИШЯПСИЗ БУ БИР ГЕЙ ЭКАНКУ. ЙИГИШТИРИНГ БАХСНИ КИМ БУЛСАНГИЗХАМ УЗИНГИЗНИ КАЕКДАГИ ГЕЙ БИЛАН ТЕНГ КИЛМАСДАН.
- 3 июл 2017 14:48Озод 10 минг олар туйга, лекин конун хамма санъаткорларга бир хилку. Лицензия олган факат Озод эмас, колган санъаткорлар хам бор.
- 3 июл 2017 15:32Анкетангда ёзилишига кура сенда на исм,на фамилиянг бор.турар жойингни Африкани чакалакзори деб курсатибсан,шуларга караганда сен однога бир хафтада бир неча номлар билан кириб-чикиб юрасан. Гапларни баралла айтишингга караганда сен узингни "к,улга тушмас к,асоскор" деб уйлайсан,лекин ......
- 3 июл 2017 17:28Itni boshi mis tovoqqa chiqqsn zamonmi bu?kecha toshkentni boylarini umuman to'ydan sargardon olgan xofiz,ma'naviyat va ma'rifat markazi tvni boshqarsa...O'Hoshimov(raxmatlik)domlani misralari yodingga keladi...sartaroshni suvoqchi qilsang devolga sovun ko'pigini surtadi,etikdo'zni sartarosh qilsang boshingga mix qoqadi...
- 3 июл 2017 17:44Gapingizga 100% qushilaman bu zamon xuddi sirkadigi tomoshadek bulib qoldi kim biladi bu turishda oxir zamonga qarab ketyotgandek guyo.
- 3 июл 2017 19:17Нима лекин... Охиригача ёз? Анкетам билан нима ишинг бор сени?
- 3 июл 2017 19:18Нима лекин... Охиригача ёз? Анкетам билан нима ишинг бор сени?
- 4 июл 2017 02:04Rostda....mat odinochkalarni bolasi e'tirof olsa,diktor o'rtakashlik qilib pul olsa,professor yaltoqlanib boyni to'yida xizmat qilsa...
Для того чтобы оставить комментарий, войдите или зарегистрируйтесь
Озодбек Назарбековнинг прокурорларга қарши "исëни" санъаткорларга қимматга тушиши мумкин
2 июнь куни "Ўзбекконцерт" ташкилотида ўтказилган мажлисда таниқли қўшиқчи Озодбек Назарбеков прокуратура ва бошқа давлат муассасалари амалдорларининг ўз базмларида хонандалар хизматидан бепул фойдаланиш устига, дўқ уриб санъаткорларни обрўсизлантиришини танқид қилган эди.
Бу чиқишидан сўнг ўзбекистонлик айрим санъаткорлар орасида Озодбек Назарбековни “қўзғолончи хонанда”га чиқарганлар ҳам бўлди.
Айни пайтда ижтимоий тармоқларда Назарбековнинг бу танқиди жиддийгина эътирозга учрамоқда.
Хусусан¸ “Однокласники” ижтимоий тармоғининг Лазиза Фаттоҳова исмли фойдаланувчиси:
"Озод ака¸ прокурорларнинг корпоративкаларига бепул боришни истамасангиз, у ерда Сизни обрўсизлантиришса¸ нега у ерга борасиз?", деб ёзган бўлса¸ Facebook тармоғида MisterX исмли фойдаланувчи:
"Прокурорлар айбдор, Назарбеков беайбми? Шунча йил прокурорлардан хўрланган эканлар¸ нега бугун бу масалани кўтариб чиқаяпти", - дея изоҳ қолдирди.
Айни пайтда ўзбек интернет нашрларида хонанданинг “инқилобий чиқиши” ортидан унинг тўйлардаги даромаддан давлатга солиқ тўламаслиги пеш қилинган ўнлаб мақола босилди.
Самарқандлик блоггер Мирзо Субҳонов “Озодбек қўзғолони ёки озодликка чиққан санъаткорлар” мақоласида хонандани “давлат органларига асоссиз равишда очиқдан очиқ туҳмат қилиш”да айблади.
“Ҳурматли фуқаро О.Назарбеков! Агар Сизни давлат ташкилотлари мансабдор шахсларидан кимдир хафа қилган бўлса ҳам, Сиз умумий бир давлат органини айблашга хаққингиз йўк! Сизни хафа қилган мансабдор шахсларнинг исм-фамилиясини айтинг, исбот келтиринг, акс ҳолда Сизнинг кўчадаги пистафуруш миш-мишчидан фарқингиз йўқ”, - деб ёзди Субҳонов ўз блогида.
Ўзбекистонлик юрист Искандар Облоқулов эса ўз блогида Озодбек Назарбековнинг ҳам¸ ўзбек шоу бизнесидаги бошқа санъаткорларнинг ҳам адолатни талаб этишга маънавий ҳаққи йўқ, дея фикр билдирди .
“Чунки уларнинг ўзлари қонунга зид ишлашади, касса аппаратларисиз ишлашади, солиқ тўлашмайди”, - деб ёзди Облоқулов.
Озодлик бу фикрлар юзасидан Озодбек Назарбековнинг ўзидан муносабат олишга уринди¸ бироқ унинг маъмуридан "хонанданинг вақти йўқ" деган жавоб олди¸ холос.
Журналист ва ҳуқуқ фаоли Абдураҳмон Ташанов фикрича, Озодбек Назарбековнинг прокурорларга қарши гапириши ортидан келиб чиққан можаро иккита адолатсиз томоннинг бир-бири билан уришиб қолганини англатади:
- Ўғри билан қароқчининг уришиб қолиши билан боғлиқ бир нарса бўлаяпти. Булар ўша корпоративга бепул борган, прокурорлар индамай келган. Энди¸ “Ҳа шунақами¸ унда нега солиқ тўламайсан”, деган гаплар бўлаяпти. Чунки, солиқдан қочмаслик масалаларини ўша прокуратура ҳузуридаги Департамент назорат килади-да, - дейди Ташанов.
Шу ўринда журналист ушбу можаро тўйларда миллонлаб пул топаётган саъаткорларни солиққа тортиш масаласини ўртага чиқарганини қўшимча қилади:
- Ҳуқуқий нуқтаи-назардан ҳам, инсоф нуқтаи-назардан ҳам хонандаларни солиққа тортиш керак. Масалан¸ айтайлик, йиллик лицензияни 6-8 миллион сўмга олиб¸ битта тўйда 5000, 10 минг доллар пул топаётганлар бор. Озодбек Назарбеков¸ ўзим аниқ биламан¸ Қашқадарё вилоятининг Чироқчи туманига 10 минг долларга борган. Ҳазил пул эмас бу! Юлдуз Усмонова, бир бойваччанинг тўйига 10 минг долларга борган. Улар давлатга, халққа шундан бирон солиқ тўламайди? Шунча даромад топаётган бўлса¸ халқнинг ғазнасини ҳам ўйлаш керак. Одам озгина ватанпарвар бўлиши керак. Мана шу ҳозир жамоатчиликни қизиқтираяпти ва бу мавзу ижтимоий тармоқларда муҳокамадан тўхтамайди, токи хонандалар солиққа тортилишига эришилмагунча - дейди Ташанов.
Ўзбекистон Солиқ кодексига кўра, “Ўзбекконцерт” лицензиясига эга санъаткорлар тўй-томошалардан топган даромадидан солиқ тўлашдан озод қилинган.
Кодекснинг 180-моддаси 1-бандида,"концерт-томоша фаолияти билан шуғулланиш ҳуқуқини берувчи лицензияси бўлган шахслар солиқдан озод этилади", деб ёзилган.
https://www.ozodlik.org/a/ozodbek-nazarbekov-prokuratura-soliq-toy-dollar/28546530.html