Комментарии
- Предыдущие комментарии
- В начало
- 22 июл 2017 22:28Хусусий клиникаларни ёпиб ташланса хато буларди, уларни наоборот купайтириш керак, хусусий клиникаларда порахурлик йук, белгиланган пулни тулайсиз ва керакли муолажани олаверасиз.
Улар канча купайса ракобат хам шунча ошади, даволаш сифати кутарилади.
Медицинаси кучли ривожланган давлатларда сифатли соглигни саклаш тизими асосан хусусий клиникалар, хусусий диспансерлар ва мустакил тадкикот марказларига асосланган. - 22 июл 2017 23:01Ман хар кандай корхона завод фабрика больница детсад ва шунг ухшаш халк фойдаланадигон нарсаларни хусусий булишига каршиман. мани каршилигим хеч кимни кизиктирмиди . лекин бу мани фикримда
- 22 июл 2017 23:57да этого бы не было если бы ученики если бы учителя ............ были ответственнее.ведь можно же по ходу работы приобретать опыт.а не просто получаю деньги за то что моя задница на этом стуле.
- 23 июл 2017 00:03все таки одамнинг соглигида бизнесс куриш яхши эмас. ичкан касамига унчали мос эмас манимча.
- 23 июл 2017 00:21биринчидан агар пулим булса уз касбини устаси ва закикатан хам даволаса мен пулини берардим.одам даволаган врачдан ман пулимни кизгонмас эдим. лекин хамманиям имкони йук.ман хозирги холатимда пул бериб даволанишгаям куркиб колдим.
- 23 июл 2017 09:23Монополиядан чикариб хусусийлаштириш замон талаби, иктисодиёт ривожланишни хохласак биз хам шундай йул тутишимиз керак. Давлатга карашли монополистик корхоналар коррупция учоги хисобланади, чунки давлатни эшигидан тешиги куп, хусусий корхоналарда коррупция нисбатан кам, узини мулкини узи угирламайди (факат давлат нозорат булимлари ноконуний йул тутишга мажбур килишмаса) ракобат сабаб ишлаб чикариш сфиати ва суръати ортади.
Оддий мисол, агар газ ва электр энергиясини ишлаб чикариш ва сотиш шу пайтга кадар хусусийлаштирилганида эди, хозирги чалкаш ахвол юзага келмаган буларди. - 23 июл 2017 11:50Nimaga asoslanib xususiy balnitsalarni yopish kere devosiz sabab
- 23 июл 2017 19:35Жуда тугри карор .Бошка сохаларда хам шундай килиш керак.Туманлардаги давлат ташкилотлари рахбарлари хам бошка вилоятлардан келтирилса рахбарларнинг бир бири билан коррупцион дустлашишлари камаярди.
- 24 июл 2017 21:50Узини билимига ишонган доктор булса бемор хиротга бусаям оркасидан боради..шифокорликка укивотганда факат Тошкентда докторлик киламан деб эмас..беморларнинг дардига шифо топаман диб касам ичган ..
- 1 авг 2017 18:58Molsan Mol San Dushman
ni Poylaginingcha Dõstlaring
Vatanni MULKI ni Talon Taroj
Qilib Yuribdi Sendaqalar Naturi Qõysan
Fahm Farosati Yõq Galvarssan
Ochiq Sochiq Uyana Getir
Buyana Getir San Miyyasi Yõq
lar Musulmonni Qarmoqqa
Ilintirish Bilan Ovvorasan
Molligingdan OQ bn Qorani
Farqi Bormagansan Natija
Nima Bõldi Õzlaring XALQ
DIN Dushmani Bõlib Chiqdilaring
Для того чтобы оставить комментарий, войдите или зарегистрируйтесь
Тошкент тиббиëт марказларидаги юзлаб врачлар вилоят касалхоналарига раҳбар лавозимларга жўнатилади
Озодлик суҳбатлашган врачлар бу тадбирни “врачларни сургун қилиш”, деб атар экан, “тиббиëт марказларини заифлаштирадиган” салбий оқибатларига ҳам эътибор қаратишди.
Ўзбекистон Соғлиқни сақлаш вазирлигида 16 июль куни бўлиб ўтган йиғилишда сўзга чиққан Республика Бош вазири Абдулла Арипов республиканинг барча вилоят марказларидаги вилоят шифохоналари бош врачлари ўрнига пойтахт Тошкентдаги республика марказий шифохоналарида бўлим мудири бўлиб ишлаётганлар тайинланишини айтган.
Бош вазир вилоятлардаги бош врачларга "дам берди"
Айни мажлисда қатнашган республика ихтисослашган тиббиëт марказларидан бирида бўлим бошлиғи бўлиб ишлайдиган 32 яшар онколог врачга кўра, “вилоятлардаги ўнлаб тажрибали бош врачлар волюнтаристик тарзда¸ адолатсизларча” ишдан бўшатилган.
- Мен Бош вазирдан вилоят шифохоналарида бош врач булиб ишлаётганларнинг тақдири нима бўлади, деб сўрадим. Бош вазир “улар хоҳлаган жойига бориб ишлайверсин”, деди. Кўпчилик бош врачларни танийман. Тажрибали врачлар. Уларнинг тақдирига қора чизиқ тортилиши яхшилик аломати эмас,- деди суҳбатдош.
Рўйхат тузиб бўлинди! Ҳукм қатъий, шикоятга ўрин йўқ!
Ўзбекистон Соғлиқни сақлаш вазирлигида ишлайдиган мулозимлардан бири вилоятлардаги тибббиëт муассасаларига юбориладиган мутахассислар рўйхати тузилганлигини Озодликка маълум қилди.
Мулозимга кўра¸ рўйхат 34 варақдан иборат. Мулозим шу рўйхатнинг илк уч варағини Озодлика жўнатди. Бу уч варақда Тошкент шаҳрида жойлашган республика миқëсидаги 9 та ихтисослашган тиббиëт марказларининг 52 нафар олий тоифадаги ва профессор унвонига эга мутахассислари вилоятлардаги касалхоналарга раҳбарликка тавсия қилинганини кўриш мумкин.
Бу рўйхатга кўра¸ масалан, Республика ихтисослашган онкология ва радиология илмий-амалий тиббиëт маркази химиотеарпия бўлими раҳбари¸ тиббиëт фанлари доктори¸ профессор Дониëр Пўлатов Хоразм вилоят онкология диспансери раҳбар қилиб юборилади.
Врачлар норози
Озодлик мана шу рўйхат бўйича Қорақалпоғистонга юборилаëтган врач исми айтилмаслиги шарти билан суҳбатлашди.
Саратон касаллиги бўйича Марказий Осиëдаги саноқли мутахассислардан бири бўлган ва республика миқëсидаги тиббиëт марказларидан бирида бўлим бошлиғи бўлиб ишлайдиган бу врач ўзининг Қорақалпоғистонга юборилишини “сургун”, деб атади ва бу мажбурият тиббий марказ учун салбий оқибатлар касб қилишига эътибор қаратди:
- Мен президентнинг тиббиëт ходимлари билан учрашувида ҳам, Бош вазир ўтказган мажлисда ҳам қатнашдим. Фикрим битта. Республика миқëсидаги тиббиëт марказларининг йиллар давомида малака ошириб етук мутахассис сифатида шаклланган ходимларини узоқ вилоятларга юбориш салбий оқибатларга олиб келади. Биринчидан, улар врачликдан узоқлашиб амалдорга айланишади. Прораблик¸ қишлоқ хўжалик ишлари¸ пахта тердириш ва касалхона ҳўжалиги каби ишлар билан шуғулланган мутахассис, пировардида, ўз касбий салоҳиятидан маҳрум бўлади. Қолаверса, оилам билан Тошкентни ташлаб, Нукусга бориш мен учун катта стрессдан иборат¸ дейди суҳбатдош.
"Ватанпарварлик тренинги"
Ўзбекистон Соғлиқни сақлаш вазирлигидаги мулозимнинг Озодликка айтишича¸ “Тошкентдаги шароитларга ўрганиб қолган мутахассисларнинг вилоятларга бормаслик учун оëқ тираши ватанпарварлик эмас”.
- Шу боис, биз бу мутахассисларни вилоятларга юбориш олдидан улар билан суҳбатлар ўтказяпмиз. Тренинг машғулотлари ҳам режаланган. Уларга имтиëзли шароит яратиш борасида иш олиб бораяпмиз¸- дейди мулозим.
Фарғоналик инсон ҳуқуқлари фаоли Абдусалом Эргашевнинг Озодликка айтишича¸ Республика соғликни саклаш вазирлиги лойиҳаси доирасида Фаргона вилоятида тренинг ўтказаëтган гуруҳ 21 июль куни зудлик билан Тошкентга чақирилган.
Эргашевга кўра¸ улар вилоят марказий шифохоналарига жўнатиладиган номзодлар билан машғулот ўтказишга сафарбар қилинган.
Фарғона вилоят Соғлиқни сақлаш бошқармаси ходимининг айтишича, 22 июл куни Фарғона вилоятидаги марказий шифохоналарнинг 13 нафар бош врачи Тошкентга чақирилган.
Мулозимнинг айтишича¸ улар вазифасини янги раҳбарга топшириш учун махсус буйруқ асосида йўлга чиққан.
Бу маълумот юзасидан қўшимча информация олиш учун Соғлиқни сақлаш вазирлиги билан яна бир марта боғланишнинг, ҳозирча, иложи бўлмади.
https://www.ozodlik.org/a/ozbekiston-vrachlar-viloyat-kasalxona/28631108.html