Эр ўз хотинига: “Фоҳишалик қилиб пул топсанг, машина, уй оламиз”

OzodDayjest: Хотинини фоҳишаликка мажбурлаган йигит 8 йилга қамалди
Ўз хотинини фоҳишаликка ундаган йигит 8 йилга озодликдан маҳрум этилди.
Ўзбекистон ҳуқуқ-тартибот идоралари ўз рафиқасини фоҳишаликка мажбурлаган шахсга нисбатан жиноят ишини якунлади (“Даракчи”, 30 ноябрь). Исми ошкор этилмаган аёлни дастлаб эри Қозоғистонга олиб бориб даволатади. Сўнг уни муолажани давом эттириш учун Дубайга юборади. У ерда аёлни қайнопаси кутиб олиб, шифокорларга кўрсатади. Сал ўтиб “Сени даволатишга анча пул сарфладим. Буларни ишлаб қайтаришинг керак”, дея келинини фоҳишаликка мажбурлайди. Аёл қайнопасининг бу қилмишидан шикоят қилиб, эрига қўнғироқ қилади. Эри эса “Кўп пул ишласанг, уй, машина оламиз” дея хотинини фоҳишаликка ундайди. Жабрдийда аёл Ўзбекистонга келгач, кўргиликлар ҳақида ҳуқуқ-тартибот идораларига шикоят қилади. Жиноят ишлари бўйича суд унинг ориятсиз эри ва қайнопасига 8 йил озодликдан маҳрум этиш жазоси тайинлагани хабар қилинган. Жиноий ишга оид бошқа тафсилотлар ошкор этилмаган. https://www.ozodlik.org/a/press-review-48-17-2/28889789.html