Швециянинг Danfo ширкатига Ўзбекистонда жамоат хожатхоналари тизимини ташкил этиш таклиф қилинди.

Бу ҳақда Ўзбекистон туризм қўмитасига таянган ҳолда “Газета уз” хабар тарқатди.
Хабарда таъкидланишича, мазкур масала шркат расмийси Алексей Шалашинский билан туризм қўмитасида муҳокама қилинди.
Danfo ширкати хожатхоналарнинг турли линияларини, жумладан, автоматлаштирилган ҳожатхона пунктларини ишлаб чиқариши билан танилган.
Учрашувда Ўзбекистонда ёзда +45, қишда -30 даражагача бўлган иқлим шароитида канализация, сув ва электр энергияси бўлмаган жойларда ҳам ишлай оладиган ҳожатхоналарни барпо этиш масаласи муҳокама қилинган.
Туризм қўмитаси Danfo ширкатига бу типдаги хожатхоналарни Ўзбекистонда ишлаб чиқарилган қурилиш материалларидан барпо этишни таклиф қилмоқда. Бу ҳолатда холжатхоналарнинг таннархи қиммат бўлмаслигига эътибор қаратилмоқда https://www.ozodlik.org/a/28975699.html