Комментарии
- Предыдущие комментарии
- В начало
- 10 фев 2018 12:28Туркинг кургурди Ким туккан ифлосни киргизистонда буганда отка судиратип улдирардим мен
- 10 фев 2018 13:11Астагфируллох гудаккинанинг охирати обод болсин. Эх одамлар Худоданам куркийлар. Ота Онасида касдинглар болса боланинг айби нима. У гудак дунега келиб нимани курибди.
- 10 фев 2018 17:46Нахотки оллох умр берсаю бандаси жон олса бунга оллохдан бошка хеч кимни хакки йук бу йигитни охирати хам йук кизалокни охирати обод булсин бунакаларни жазосини оллох берсин хайф инсон деган номга нолойик бу хатто онгсиз хайвон хам бунака йирткичлик килмайди Астафириллох.
- 10 фев 2018 19:20Osonlikcha ölmasligi kerak begunoh norasida qizchani öldirgan vijdonsiz
- 10 фев 2018 22:01Töğri etasiz qöllarini kesib osiw kerey towboron qilib öldirilsa yaxshi böladi. Unaqa insonlada vijdon bömiydi vijdonini sotrvorgan tovba qildimu
- 11 фев 2018 16:27Qadimda oyoq qöllarini 4ta otni dumiga bog'lab otlarni haydab yuborib jazolashardi odamlarni Buni ham shunaqa qilish kerak oyoq qölini uzish kerak 4ta otga bog'lab
- 11 фев 2018 18:46Qadimgi xayoti bilmiymizayu lekin wuni bilaman qadimgi insonlik qadimgi odamla qadimgi pirizdent bösaydi anu u jazoni berardi tepadigila bu iwlaga yöl ochib etiwvoti qani qölini kesa siz etgan jazoni bersa xama öylab yomonlik örilik qilardi yana bilmasam
- 12 фев 2018 05:01этим жимирлаб кетябди
инсонмикан а шу одам хам
канде кулинг борди гудакни улдиргани
Оллохим фарзандларимизни узинг сакла
Для того чтобы оставить комментарий, войдите или зарегистрируйтесь
Фожиа 5 февраль куни Олтиқариқ тумани Полосон қишлоғида рўй берди.
Гувоҳларнинг Озодликка айтишича, болани боғчадан оладиган одам бўлмагач, боғча опа уни бошқа болаларга қўшиб уйига жўнатган; кечқурун боланинг чавақланган жасади боғчадан бир километр нарида топилган. Қотилликда гумонланиб бир шахс ҳибсга олинган.
Яқинларининг Озодликка айтишича¸ 5 февраль куни ўлик ҳолда топилган қиз Олтиариқ туманидаги 6-сонли боғча тарбияланувчиси 5 яшар Кибриё Ғаппоровадир.
Кибриёнинг ёриб ташланган жасади 5 февраль оқшомида у борадиган боғчадан бир километр наридаги темир йўл ёқасида топилган.
Бу ҳақда қизнинг қариндошларидан бири Озодликка гапириб берди:
- Болани танасининг ўнг томони қовурғаси ёрилган, айрим қисмлари мажақланган. Бугун жаназаси бўлаяпти, - деди Кибриёнинг қариндошларидан бири Озодликка 6 февраль куни.
Олтиариқ туманидаги 6-сонли боғча тарбиячисининг Озодликка айтишича, Кибриёнинг ота-оналари ўтган йил август ойида Туркияга ишлагани кетишган, бола бувиси қарамоғида қолган.
Боғча ходималаридан бири Озодлик билан суҳбатда шу куни Кибриёни олгани ҳеч ким келмаганини айтди:
- Унинг амакиватчаларининг болалари ҳам бизни боғчада-да. Улар 6 ёшда. Боғча ҳамшираси Кибриёни уларга қўшиб, ўзларини уйига жўнатган. Уйлари боғчага яқин жойда-да. Лекин, билсак болалар уйига етиб бормаган. Қидириб-қидириб катта болаларни топишди, Кибриёни топиша олишмади. Уларнинг айтишича, қандайдир велосипедли эркак боғчадан чиқишлари билан қанд олиб бераман, деб қаергадир олиб кетган. Узоқроқ юришгач, катта болаларга сизлар туриб-туринглар, биз Кибриё билан қанд олиб келамиз, деб олиб кетган. Шу билан қайтмаган. Кечқурун шунақа бўлганини кейин биз эшитдик, - деди 6-сонли боғча ходимаси.
Озодлик мухбири Кибриёнинг Туркиядаги ота-оналарига боғланди. Улар Истанбулдаги текстил фабрикаларидан бирида ишлаши, яккаю-ягона қизининг ўлимини эшитиб, Ўзбекистонга йўлга чиқишгани, ҳозирда гапира олмасликларини айтишди.
Олтиариқ тумани прокуратураси ҳозир мазкур ҳолат бўйича Ўзбекистон Жиноят Кодексининг 98-моддаси - "Қасддан одам ўлдириш" банди бўйича иш очиб, ҳодисани тергов қилмоқда.
Жараëн тафсилотларидан хабардор маҳаллий расмийнинг Озодликка айтишича¸ болаларни катталар ҳамроҳлигисиз уйларига жўнатиб юборган боғча ҳамшираси ички ишлар бўлимида сўроқ қилинмоқда.
Фарғона ҳуқуқ-тартибот идораси мулозимининг Озодликка айтишича, болаларга қанд олиб бераман, деб уларни олиб кетган велосипедли эркак ушланган ва у ҳам ҳозирда кўрсатма бермоқда.
Ҳозирча қотиллик мотивларига оид аниқ маълумот йўқ. Ҳуқуқ-тартибот идораларидаги Озодлик манбасига кўра, экспертиза қизнинг зўрланмагани, тана аъзолари ҳам олинмаганини кўрсатган.
Турговчилар қизни поезд босиб кетган, деган фаразларни ҳам ўрганмоқда.
Озодлик воқеа тафсилотларини ўрганишда давом этади. https://www.ozodlik.org/a/ozbekiston-miliciya-zoravonlik/29023229.html