Комментарии
- Предыдущие комментарии
- В начало
- 13 июн 2018 17:23Болани умри шунча экан оллох рози болсин у бола кетти биз эса колдик бу бизга имконят хамма вактдан унумли фойдалансин
- 14 июн 2018 15:30Vashe galatiyu a 9 yashar bola uje aqlini taniga kop kotta bola. Shu bolani moshinaga tashab ustidan qulflab ozi orik tergani ketarkan bilmadimu manga bu hodisa galati tuyulvotti
- 15 июн 2018 10:58Vaz 2102 da bagaj bomasa Benzinni tomiga qoyvomidiku bagaj salon bilan bitta boladi (furgon)
- 15 июн 2018 11:01Hozirgi zamonda odam qõshnisinikida nima bovotganini blmidiku-u behabar qolgan bolishiz mumkunku
- 15 июн 2018 18:04Shunaqa taxmin qib yopib qoyganlada ishni.
- 15 июн 2018 18:17Man baribir ishonmadim bu narsaga i bu Ozodli radiosi yolgon malumotlani fitna gaplani kop yozadi
Для того чтобы оставить комментарий, войдите или зарегистрируйтесь
Фарғонада автомашина ичида назоратсиз қолдирилган 9 ёшли бола тириклайин ёниб ҳалок бўлди.
Фарғона вилоят Ички ишлар бошқармаси мулозимининг Озодликка айтишича, машина ичида қолиб кетган бола 5 литрлик баклажкадаги бензинни тўкиб, гугурт билан ёқиб юборгани таҳмин қилинмоқда.
Ҳодиса 11 июнь оқшомида Фарғона вилоятининг Ўзбекистон тумани Бекобод қишлоғи ҳудудидаги “Эргашали устоз Муродов” фермер хўжалигида рўй берди.
Фарғона вилоят Ички ишлар бошқармаси мулозимининг Озодликка айтишича, ота 9 ёшли боласини машинада назоратсиз қолдириб, ўзи ўрик тергани боққа кириб кетганида машинада ёнғин рўй берган.
- Кеч соат 5 яримларда отаси болани машина ичида қолдириб ўрик тергани кетган. ВАЗ-2102 машинаси ичида қолиб кетган бола 5 литрлик бакалажкадаги бензинни тўкиб, гугурт билан ёқиб юборган. Бола шу жойнинг ўзида ёниб ҳалок бўлди. Ҳозир бу бўйича прокуратура шуғулланяпти, - деди Фарғона ИИБси мулозими.
Воқеа гувоҳларидан бирининг Озодликка айтишича, ёнаётган машинани одамлар ўт ўчирувчилар отряди келгунига қадар ўчириб бўлишган, лекин боланинг ҳаётини сақлаб қола олишмаган.
- Машинанинг эшиги ёпиқ бўлган, очиқ бўлганида балки болани ҳаёти сақлаб қолинган бўлар эди, - дейди Озодликка гапирган воқеа гувоҳларидан бири.
Ота-оналар фарзандларини ёпиқ машиналарда қаровсиз қолдириб кетиши оқибатида рўй берган кўнгилсиз ҳодисалар ҳақида Озодлик аввал ҳам хабар берган.
Ўтган йили Тошкентда аёл уч ёшли боласини машинага қамаб кетиши оқибатида бола иссиқда ҳалок бўлган эди.
Ўзбекистон Ички ишлар вазирлиги ота-оналарни болаларини ёпиқ автомобилларда ёлғиз қолдириб кетмаслик ҳақида огоҳлантирмоқда, шундай холатларни кўрган фуқаролардан эса, зудликда милицияга хабар беришни сўрамоқда.