Комментарии
- Предыдущие комментарии
- В начало
- 14 мар 2019 11:46Бизни элчихонадек расво элчихонани узи йук Купи порахур Ишингиз тушса судрагани судраган Муомиласини куриб бугизлаб ташлагинг келади
- 14 мар 2019 12:28Uyalmaysanmi karimov xaqida buna gapi yoziwga kim busangam non kor ekansan
- 14 мар 2019 22:13Энди шу пулларни узлиг узинг чунтагинга урмасдан.Тогри йуналтирларинг илтимос киламан. Кора халикга фойдаси тегсин илтимос ва яна илтимос
- 14 мар 2019 22:46Шу хукуматимизга бир таклифим бор эди. Шу росияга ишга борганларга паспортаги печатни текшириб бирмарталик пул берилса хеч йук 25минг рубль камида 3 ойга документ килгани.албата кам процента боринг 2% анча енгили буларди
Для того чтобы оставить комментарий, войдите или зарегистрируйтесь
Москвада Ўзбекистон Ташқи меҳнат миграцияси масалалари агентлиги ваколатхонаси иш бошлади.
12 март куни вакиллик раҳбари Саиднўмон Мансуров “Фарғона уйида” миграция масалалари бўйича жамоатчилик вакиллари саволларига жавоб бериб, ҳукумат ўзбек ишчи муҳожирлари ҳимоясига ҳозирча 200 миллиард сўм миқдорида маблағ ажратганини маълум қилди.
Озодлик билан эксклюзив суҳбатда Саиднўмон Мансуров янги очилган ваколатхонанинг асосий мақсад ва вазифаларини ҳақида гапираркан, бундай деди:
- Ваколатхонанинг асосий мақсади – бу Россияга келган ва “меҳнат мигранти” мақомига эга бўлган Ўзбекистон фуқароларини ҳимоя қилишдир. Мен ўзбекистонликлар бошқа давлатга келганида у давлат тилини ўрганиши кераклиги, ҳар бир имзо чекаётган ҳужжатни текширганидан кейингина қўл қўйишларини хоҳлардим. Қолаверса, уларга “Ўзбекистонга қайтинглар, ҳаракат қилайлик, иш топайлик, Ўзбекистонни ривожлантирайлик”, демоқчиман, деди Саиднўмон Мансуров.
Саиднўмон Мансуров "Фарғона уйи"га йиғилган миграция соҳаси экспертлари ва журналистларни Ташқи меҳнат миграцияси масалалари бўйича агентлик билан ҳамкорлик қилишга чақирди.
Вазирлик вакили мигрантлар масалалари билан шуғулланувчи ваколатхона Жанубий Корея ва Россияда очилганини билдирди.
Йиғилганлар саволларига жавоб берган ваколатхона раҳбари Ўзбекистон ҳукумати ниҳоят йиллар давомида миграция масалаларида йиғилиб қолган ва инкор этиб келинган муаммоларни бартараф қилишга бел боғлаганини маълум қилди.
Шунингдек, йиғилганлар олдида қилган чиқишида Саиднўмон Мансуров Ўзбекистон ҳукумати Россиядаги меҳнат миграцияси масалаларига 200 млрд сўм миқдорида пул ажратганини айтди.
- Бу 200 миллиард сўм маблағ Россиядаги банк депозитларига жойлаштирилди ва ундан олинаётган даромад мигрантлар муаммолари ечимига – ўликларни жўнатишга, депортация марказларидан чиқариб олишга, авиа ва темир йўл чипталари тўлови ва бошқасига сарфланаяпти, деди суҳбатдош.
Учрашув давомида ўтган бир ой ичида Россиядан Ташқи Меҳнат миграцияси масалалари бўйича агентлик ёрдамида 16 мигрант жасади Ўзбекистонга юборилгани айтилди.
Йиғилишда иштирок этган “Тут Ждут” мигрантларни ишга жойлаштириш Интернет лойиҳаси раҳбари Наталья Хмельницкая Озодликка бундай очиқч мулоқот Ўзбекистон ҳукумати вакиллари билан биринчи маротаба бўлаётганидан қувонганини билдирди.
- Бу учрашув жуда катта ютуқ, чунки бундай иш ташкиллаштириш бу ердаги муҳожирларга бўлган муносабатни ва миграция тизимининг ўзини ўзгартиради,деб ўйлайман, деди миграция эксперти Наталья Хмелницкая.
Москвалик юрист Ботиржон Шерматов сўнгги пайтларда Ўзбекистон ҳукуматининг меҳнат миграциясига бўлган муносабати ижобий томонга ўзгаргани кузатилаётганини айтди:
- Мигрантларга муносабат ўзгаряпти. Юқоридан, амалдорлардан ҳам талаб ўзгаряпти. Шунинг учун Россиядаги мигрантлар муаммолари билан эндиликда кўпроқ юракдан ва кўнгилдан иш олиб борилади, деган умидимиз бор, деди Ботиржон Шерматов.
Россиядаги барча ташкилотлар ва тузилмаларни миграция масалаларида ҳамкорликка даъват этган Саиднўмон Мансуров ёрдамга муҳтож меҳнат муҳожирлари ҳам бевосита Ўзбекистоннинг Москвадаги консуллиги қошида жойлашган агентлик ваколатхонасига мурожаат қилишлари мумкинлигини айтди. Ҳозирча ваколатхона тўлиқ ишга тушмагани ва элчихона биносида жойлаштирилган агентлик хоналари таъмирланаётгани маълум.
Ўзбекистоннинг собиқ Президенти Ислом Каримов ўзбекистонлик муҳожирларни "дангасалар"деб атаб, улардан "жирканишини" айтиб келган.