А вирус тут ку чиз нур чугҷ ху рахна,

Фукам аз дасти ту бандӯн пе мала.
На нахтидов на корчидов на сайле,
Ди чугҷат бад карантинард ху бӯна!.
Хушен нор тамбален вевард ид отдых,
Аммо ид бехдиенард во на хоих.
Шичум чугҷ ракчидам вирус дидъодъче,
Му ухат мис цагардъенч тар ме отдых.
Ху торд чиз о корона ту на коре,
На хар мест бад кварплат ту сипоре.
На хидов тунд на пондпуле на расход,
Ту таш дис най патентпуле сипоре.
Пирендич куд мигунд маш пицте маска!
Дичугҷам антисептик хурд смазка.
Хабат медъо дезинфекция спиртанд,
Узум судъҷ маст дивест мурд ям сказка.