ვნების შვიდეული.

დიდი პარასკევი. ხსენება წმინდათა მაცხოვნებელთა ვნებათა უფლისა ჩვენისა იესუ ქრისტესი...დიდი პარასკევის ღვთისმსახურება იესო ქრისტეს ჯვარცმას, ჯვრიდან გარდამოხსნასა და დასაფლავებას იხსენებს. წირვა არ აღესრულება.
დიდი პარასკევი მთელი წლის განმავლობაში ყველაზე მძიმე მარხვის დღეა, როცა მოძღვრის კურთხევით მორწმუნეთაგან ზოგი მთელი დღის განმავლობაში არაფერს ჭამს, ზოგი კი პურისა და წყლის გარდა არაფერს იხმევს.
მრავალ წითელ პარასკევს დაგასწროთ ღმერთმა ძვირფასებო! წითელი პარასკევი დიდი მარხვის ყველაზე მძიმე დღეა. ამ დღეს ტაძრებში წირვა არ აღესრულება, რადგან ადამიანთა ცოდვებისგან გამოსახსნელად უფალმა საკუთარი თავი მსხვერპლად შესწირა. მსახურებისას სამეუფო ჟამნი შესრულდება, რომლის დროსაც უფლის ვნების შესახებ სახარება იკითხება. ამ დღიდან მოყოლებული ქრისტიანები აღდგომის ბრწყინვალე დღესასწაულს წითელი კვერცხებით ეგებებიან.
კვერცხი მარდიული სიცოცხლის სიმბოლოა, რადგან მისგან ცოცხალი არსება იბადება, იესო ქრისტემ კი ადამიანებს სიცოცხლე მიანიჭა. წითელ ფერში სისხლი მოიაზრება, რადგან იესო ქრისტემ თავისი სისხლით სიცოცხლე განწმიდა და აკურთხა.
******************************************************************************
დღეს უნდა გვტკიოდეს-ტკივილი მაცხოვრის
ცრემლები გვდიოდეს,დღე არ არს განცხრომის,
დღეს ყველა გაგვძარცვეს,ხელ-ფეხი შეგვიკვრეს,
ძეკაცი ჯვარსაცვეს,უფალი მოგვიკლეს...
და მაინც ვიხაროთ დღე არის მზიანი,
ერთურთი ვიყვაროთ,ნუ გვინდა ზიანი.
ცაზე გაჩეჩილი ღრუბელი... მერცხლები..
შინ ქორფა ჯეჯილი წითელი კვერცხები.
დღეს ჯვარცმის წინარე,თავს დავხრით მდაბლითა,
ზეიმი წინ არის,აღდგომის მადლითა!
/კახა შალამბერიძე/