О чем молятся перед иконой Пресвятой Богородицы «Феодоровская»

В 1613 г. перед Феодоровской иконой инокиня Марфа благословила на царство своего сына Михаила (первого в династии Романовых). Икона особенно почиталась в императорской семье; иностранные принцессы, выходившие замуж за русских государей, после крещения получали отчество Феодоровна.
Перед чудотворной Феодоровской иконой молятся о сохранении нашей страны от нападения внешних врагов и междоусобиц, помощи путешествующим, плененным, страждущим от бед, скорбей, нищеты, телесных и душевных болезней и о многом другом. Особо просят Царицу Небесную о покровительстве семье, помощи в рождении и воспитании детей, а также о благополучной беременности и об облегчении телесных скорбей, связанных с родами.
Молитва первая ко Пресвятой Богородице
пред иконою «Феодоровская»
О Пресвятая Владычице Богородице и Приснодево Марие, единая надеждо нам, грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас, грешных и недостойных, свободитися от грехов и страстей душевных и телесных, миру умрети и Ему единому жити во вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани и отврати всякий гнев, на ны праведно движимый. Даруй нам время на покаяние и обращение, избави нас от внезапныя смерти и во время исхода нашего предстани нам, явльшися, Дево Богородице, и избави нас от воздушных мытарств князей века сего. Сподоби на Страшнем Судищи Христове стати одесную и соделай нас наследники вечных благ, да славим во веки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.
Молитва вторая ко Пресвятой Богородице
пред иконою «Феодоровская»
К кому воззову, Владычице, к кому прибегну в печали моей, к кому принесу слезы и воздыхания моя, аще не к Тебе, Царице Небесе и земли? Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго? Услыши стенание мое, утеши мя и помилуй в горести моей, защити в бедах и напастех, избави от озлобления и скорбей и всяких недугов и болезней, от враг видимых и невидимых, умири вражду стужающих мне, да избавлен(а) буду от клеветы и злобы человеческия; такожде от своея ми плоти гнусных обычаев свободи мя. Укрый мя под сению милости Твоея, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, Радость и Утешение и скорая во всем Помощница. О чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный(ая) к Тебе прибегаю, да избавлен(а) буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.
© Михаил Тихомиров
Цитируется в сокращении по кн.: МОЛИТВЫ О РОЖДЕНИИ РЕБЕНКА. – М.: Изд. Тихомирова М.Ю., 2016, с. 17-22. ИС Р15-542-3658
Книги о Пресвятой Богородице https://www.pravmolitva.ru/catalog/knigi-o-presvyatoy-bogorodice.html