ЦВК адмовіўся разглядаць скаргу «Права выбару» на ціск, які аказваецца на кандыдатаў

Цэнтральная выбарчая камісія адмовілася разглядаць скаргу кампаніі «Права выбару» на парушэнне выбарчага заканадаўства, якое выказалася ў ціску на сяброў ініцыятыўных груп незалежных кандыдатаў, арышце Сяргея Ціханоўскага і іншых апанентаў улады.
Адпаведная заява была перададзена нацыянальным каардынатарам кампаніі «Права выбару» Віталём Рымашэўскім ў Цэнтральную выбарчую камісію. Да яго прыкладалася больш за 1500 подпісаў грамадзян Беларусі, якія далучыліся да патрабавання вызвалення Сяргея Ціханоўскага і іншых затрыманых.
Кампанія «Права выбару» лічыць рэакцыю Цэнтральнай выбарчай камісіі абсалютна неабгрунтаванай, паколькі масавыя затрыманні сяброў ініцыятыўнай групы Ціханоўскай прайшлі па ўсёй краіне. Сяргея Ціханоўскага арыштавалі падчас законнага правядзення мерапрыемства па зборы подпісаў за вылучэнне кандыдатам у прэзідэнты яго жонкі.
Па сутнасці ЦВК не выконвае сваю працу, якую павінен, а менавіта: сачыць за выкананнем выбарчага заканадаўства і прадастаўленнем роўных магчымасцяў для ўсіх прэтэндэнтаў на пасаду кандыдата ў прэзідэнты.
Тэкст звароту і адказ ЦВК:
#pvby #ПраваВыбару #ПравоВыбора #выбары2020, #выборы2020 #RIGHTtoCHOOSE