Այսօր՝ Հունվարի 20-ին լրանում է եղբորս, մերօրյա Հերոս` Սուրեն Փիլոսյանի մահվան 10 տարին..

Սուրեն Խաչատուրի Փիլոսյան՝ (1995 թ․ մարտի19 - 2015թ․ հունվարի 20,)ՀՀ զինված ուժերի շարքային, ով զոհվել է Արցախի Հանրապետության առաջնագծում,Հակառակորդի կողմից ձեռնարկված՝ 9 դիվերսիոն խումբը մղելիս, որի արդյունքում զոհվել է «Հերոսական Մահով» իսկ հակառակորդը կրել է բազմաթիվ կորուստներ, և հետ շպրտվել ելման դիրքեր։
Արցախի Հանրապետության նախագահ՝ Բակո Սահակյանի հրամանով՝ Հետմահու պարգևատրվել է՝ՀՀ «ԱՐԻՈՒԹՅՈՒՆ» մեդալով։
Կենսագրություն`
Սուրեն Փիլոսյանը ծնվել է1995թ. Մարտի 19-ին, Լոռվա մարզի,Սպիտակ համայնքի Սարահարթ գյուղում,Խաչատուր Փիլոսյանի ընտանիքում,ունի մեկ քույր, երեխաներից ավագն է,տան միակ տղա զավակը։
2001թ. հաճախել է Սարհարթի միջնակարգ դպրոցը, ավարտել է` 2012 թվականին։
2013թ.հունիսի 19-ին զորակոչվել է Սպիտակի Զ/Կ -ից,զորակոչվել է ծառայության։
Ծառայել է`Հադրութի զորամասում։
Սուրենը շատ էր սիրում ավտոմեքենաներ,քանդում հավաքում էր, վերանորոգում էր,միշտ ձգտում էր հասնել իր նպատակներին։
Միաժամանակ մեծ սեր ուներ ընտանի կենդանիների նկատմամբ,հոգատար էր,պահում ու կերակրում էր նրանց։
Սուրենը բնավորությամբ հանգիստ,
հավասարակշռված,խելացի ու համեստ անձնավորություն էր,բոլորի կողմից շատ հարգված ու գնահատված երիտասարդ,դեպքի օրը մարտական զինծառայող ընկերները ափսոսանքով ասել էին,որ երանի ճանաչած չլինեին Սուրենին։
Պաշտպանության բանակի օպերատիվ տվյալների համաձայն,
հունվարի 19-ին և լույս 20-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հակառակորդի կողմից հրադադարի պահպանման ռեժիմը խախտվել է շուրջ 220 անգամ,թշնամին ցուցաբերել է ակտիվություն,տարբեր տրամաչափի զին տեխնիկաներից ռմբակոծության ենթարկել,
որի ընթացքում,տարբեր տրամաչափի հրաձգային զինատեսակներից հայ դիրքապահների ուղղությամբ արձակվել է ավելի քան 2000 կրակոց:Նույն ժամանակահատվածում շփման գծի տարբեր հատվածներում ադրբեջանական զինուժի կողմից ձեռնարկվել են 8 հետախուզադիվերսիոն գործողությունների փորձեր, որոնք ժամանակին հավաստանշվել և կորուստներ կրելով հետ են շպրտվել։
Սակայն`նրանցից մեկը ճակատագրական է եղել Սուրենի համար․․․
Ընդամենը 5 ամսից ավարտելու էր ծառայությունը,2015թ. հունիսին պետք է զորացրվեր:
2015թ հունվարի 20-ին դիպուկահարի գնդակից զոհվում է հերոս՝ Սուրեն Փիլոսյանը։
Սուրենը մահացել է տեղում՝ գլխի շրջանում ստացած վնասվածքի հետևանքով։
2015թ. Հունվարի 23-ին զինվորական կարգով Սուրեն Փիլոսյանին հողին հանձնեցին հայրենի գյուղում։ Զինվորի հուղարկավորության արարողությանը ներկա էին տարբեր քաղաքական ուժերի ներկայացուցիչներ։
Սուրեն Փիլոսյանի մարմինը ամփոփված է`
Հայրենի գյուղի, Սարահարթի գերեզմանատանը։
Պարգևատրումներ`
Կենդանության օրոք, ծառայության ժամանակ պարգևատրվել է՝ «ՔԱՋԱՐԻ ՄԱՐՏԻԿ» մեդալով։
Շնորհակալագիր զորամասի կողմից։
Զոհվելուց հետո,
Պարգևատրվել է `
Նախագահ ` Բակո Սահակյանի կողմից 2015թ.Հունվարի 23-ին,
Հետմահու պարգևատրվել է `
Արցախի Հանրապետության «Արիության» մեդալով։
ԵԿՄ կողմից` <<Երկրապահ>> հուշամեդալով։
2016թ․հունվարի 28-ին Հայոց բանակի ստեղծման 24-րդ տարեդարձի
կապակցությամբ՝ ՀՀ «Արիության» մեդալով։
Պարգևատրվել է`
բազում պատվոգրերով։
2023թ.-ի Հուլիսի 25-ին,
Պարգևատրվել է`
<< Զորավար Անդրանիկ >> մեդալով,
<<Միասնություն հանուն հայության>> ԲՀԿ-ի նախագահ` Սուսաննա Իսահակյանի կողմից։
2024 թ.-ի Նոյեմբերի 20-ին,
Պարգևատրվել է `
<<Սպիտակի Արծիվ>> հուշամեդալով,
Հայկ Եղիազարյանի կողմից։
Հայրենի գյուղի ներքևում կառուցվել է` տաղավար,հուշաղբյուր,մատուռ` ի հիշատակ Սուրեն Փիլոսյանի։
Գյուղի կենտրոնում` տեղադրվել է խաչքար։
Դպրոցը անվանակոչվել է` Սուրեն Փիլոսյանի անունով։
Հերոսը ասում էր՝
«Որ ես անպայման ծառայելու եմ, էլ ինչ տղա որ չծառայի,հենց հետ գամ սաղ լավ է լինելու» Սուրեն Փիլոսյան։
«Զինվորը կյանքում հերոսանում է միայն մեկ անգամ,
Եվ ցավոք սրտի հերոսանում է մահով վաղաժամ,դեռ քսան տարիդ հազիվ բոլորած,դու հերոսացար,հանուն հայ ազգի՝ կյանքդ տվեցիր,ու լուռ հեռացար:Թող քո հոգին հանգրվանի երկնային դրախտում, Հայ ազգի փառապանծ Հերոս՝ «Սուրեն Փիլոսյան»...