21 сентябрь 2024 ийын Буймо села (Татарстан Агрыз район) чотак гӱжлыш.

Тыште 7 гана Регион кӱкшытан марий семым да мурым шке шоктышо-влак коклаште «Йоҥгалт, гармонь йӱк!» фестиваль эртыш. Пайремышке Татарстан, Марий Эл, Удмуртии, Башкортостан, Свердловской область гыч гармоньчо-влак толыныт.
Марий эл гыч кугу делегаций ыле. У Торъял гыч Дмитрий Афанасьев (гармонь), Лиана Смирнова, Надежда Сидоркина, Шернур гыч Алексей Горинов (гармонь) лийыч. Арбор кундемын изи гармоньчыжо-влак Ростислав Васинкин (гармонь), Владислав Петров (гармонь) да тыгак вуйлатышыт Герман Кутузов миеныт. Гармоньчо-влак Сергей Савинов, Никита Козлов дене пырля Буймо сценыште Звенигово велым Валентина Кириллова, Антонида Новоселова выступатлышт. Нуным Алексей Акреев намиен коштыктыш.
Селашке пурымаштак кинде шинчал дене вашлийыч. У администраций зданийыше пуртен чайым йӱктышт. Варажым школышто йоча-влак ончылно выступатлышна. Школ деч вара клубышко гармоньчо да коллектив-влак ял мучко шоктен мурен кайышт.
14 шагатлан фестиваль тӱҥале. Мучашыште мыят, Сергей Карпов, организатор-влаклан тау мутым каласышым да эн изи участник-влаклан пӧлекым кучыктышым.
Пеш чаплын да ямлын фестиваль эртыш. Организатор-влак чотак тыршышт. Тау чыланат!
Ик тыланымаш гына лиеш. Тек шукырак самырык гармоньчор-влак фестивальышке ушнат. Кӧ тидым лудеш тидлан ТЕ полшен кертыда маннем. Йочада, уныкада-влакым шӱмаҥдыза гармонь шокташ.
Ӱшанена марий сем, марий муро ончыкыжымат йоҥгаш, шокташ тӱҥалеш. Чап лийже «Йоҥгалт, гармонь йӱк!» фестивальлан