Новы Год ужо на ганку,

Дык спяшайцеся хутчэй –
Запрагайце зоркі ў санкі
І сядайце ў іх ямчэй!
Паімчаліся ў дзяцінства!
Там усіх чакае цуд.
Наша вёсачка-калыска:
Самы родны ў свеце кут!
Мама з таткам, дзед, бабуля,
І браточкі, і сябры.
Будзем разам ладзіць гулі
Каля ёлкі і ў двары!
Прымацуем бабе снежнай
Састарэлы свой смартфон,
Каб не ведаючы межаў,
Зарапад лічыла дзён. Заіскрыцца ўмомант вёска!
Зазвініць дзіцячы смех!
Каляровыя дзівосы
Вернуць да жыцця яе! Лёля Багдановіч