Սիրելի հայրենակիցներ,

Հիմնադիր խորհրդարանը ապրիլի 17-ին ժամը 18:30-ին հրավիրում է Ազատության հրապարակում հանրահավաքի և երթի :
Ապրիլի 7-ից անազատության մեջ են 100-ամյակը առանց ռեժիմի շարժման առաջնորդ Ժիրայր Սեֆիլյանը, Հիմնադիր խորհրդարանի նախագահ Գարեգին Չուգասզյանը, ՀԽ նախագահի տեղակալ Վարուժան Ավետիսյանը, ՀԽ պատգամավոր, ազատամարտիկ Պավել Մանուկյանը և ՀԽ քարտուղարության անդամ Գևորգ Սաֆարյանը:
Բռնադատելով ազգային հերոսներին ու նվիրյալներին՝ ռեժիմը փորձում է ճնշել քաղաքական այլակարծությունը Հայաստանում, ինքնիշխան և արժանապատիվ հայրենիք ու պետություն ունենալու նրանց և մեր բոլորի իրավունքը:
Մեր համերաշխությունն արտահայտենք բռնադատվածներին և նրանց մարմնավորած պայքարին՝ ապազգային ռեժիմից ձերբազատվելու և նոր որակի հայկական պետություն ստեղծելու համար: Վերահաստատենք պայքարը շարունակելու մեր վճռականությունը:
Միասին դեպի ազատագրում:
Հիմնադիր խորհրդարան