Паян Тикеш ялӗнче пурӑнакан Паукина Зинаида Васильевна хӑйӗн сумлӑ 75 ҫулти юбилейне паллӑ турӗ.

Тикеш ялӗн клуб ӗҫченӗ Ирина Макарова Пикшик территори пайӗн хаклӑ парнепе тата салам сӑмахӗсемпе кӑмӑл турӗ. Патӑрьел муниципалетет округӗн пуҫлӑхӗ Рудольф Васильевич Селивановӑн саламласа ҫырнӑ ҫырӑва парса чысларӗ. Паукина Зинаида Васильевна 22- меш ҫӗртме уйӑхӗнче 1950 ҫулта Тикеш ялӗнче ҫуралнӑ. Еншӗк вӑтам шкулта 8 класс пӗтернӗ, 9-10 классене Шӑнкӑртамри пӗтӗмӗшле пӗлӳ паракан вӑтам шкулӗнче пӗтернӗ. Шупашкар бухгалтерсене вӗрентекен шкулта вӗренсе тухнӑ. Нумай ҫул хушши склад хуҫи пулса ӗҫленӗ . Ҫамрӑк хӗр кӳршӗ ял ачипе Паукин Анатолий Федоровичпа паллашса ҫемье ҫавӑрнӑ. Икӗ йӗкӗт ҫуратса, устерсе, пурнӑҫ ҫулӗ ҫине тӑратнӑ. Кӗҫӗн ывӑлӗ Чечняра служить тунӑ, шель пулин те кӗҫӗн ывӑлӗ вӑхӑтсӑр ҫӗре кӗнӗ. Зинаида Васильевна ватӑ ашшӗ амӑшне пӑхма яла килнӗ. Тикеш ял клубӗнче директор пулса ӗҫленӗ. Ветеран труда хисепне тивӗҫлӗ пулнӑ. Халӗ Зинаида Васильевна хӑйӗн ҫуралнӑ килӗнче, тӑванӗсемпе , кӳршисемпе тата ял- йышпа килӗштерсе пурӑнать. Юбилей ячӗпе эпир ӑна ҫирӗп сывлӑх, вӑрӑм ӗмӗр сунатпӑр.