ՍԻՐՈՎ ՀՈԳՍԱՇԱՏ ՔՈւՅՐԻԿՆԵՐԻՆ

Քույրիկ դու իմ անուշ, քնքուշ էակ պաշտելի,
Անցած ճամփեքիս վառ լույսն ես, միշտ սիրելի,
Դու իմ կյանքի իմաստ, վեհ հպարտությունն ես,
Ու իմ սրտի, կարոտների մխիթարանքն ես:
Աստծո տված շռայլ պարգև է, որ ես քեզ ունեմ,
Իմ բարի քույրիկ, քեզանով միշտ զորավոր եմ,
Իմ սրտի խոսքերը շռայլել եմ քեզ, պերճախոս,
Միշտ կողքիս ես, արև իմ, լապտեր ու փարոս:
Համեստությունդ զարդարում է քո ազնիվ ոգին,
Բանիմաց ես, իմ հրաշք քույրիկ թանկագին,
Ծնողասեր ու միշտ հարգում ես մերծավորին,
Մինչ խոր ծերություն ժպտա քո հպարտ հոգին:
Արժանապատիվ քույրիկ, գթասիրտ ես եղել,
Ամեն մի դժվար գործից երբեք չես թերացել,
Դու բնության կողմից պարգևած հրաշք էակ ես,
Քո նրբությամբ պայծառ, լուսավոր աստղ ես:
Դու երկար տարիներ ապրել ես, մաքուր խղճով,
Ամենուր քեզ գովք եմ անելու քո արժանիքներով,
Քո գթասրտության մասին պիտի տաղերով երգեմ,
Որ հանգիստ խղճով քեզ հետ աշխարհը վայելեմՙ:
ԳՈՒՍԱՆ ԷԴԻԿ ԹԱՄԱՐՅԱՆ