"ЭКЗАМЕН" ДЛЯ ПІСЬМЕННІКАЎ

Учора я разам з вядомымі гродзенскімі паэтамі Людмілай Кебіч, Анатолем Апанасевічам і Людмілай Шаўчэнка прыняла ўдзел у традыцыйных "Літаратурных універсітэтах" у Купалаўскім універсітэце.
Гэта адукацыйны праект нашай каляжанкі па пісьменніцкім цэху Аліны Сабуць, члена Саюза пісьменнікаў Беларусі, дацэнта кафедры беларускай філалогіі Гродзенскага дзяржаўнага ўніверсітэта імя Янкі Купалы, лаўрэата Нацыянальнай літаратурнай прэміі.
Нягледзячы на тое, што такія сустрэчы Аліна Эдмундаўна Сабуць арганізоўвае для першакурснікаў штогод, кожны раз яны праходзяць у новым фармаце. Цяпер мы не проста прадстаўлялі сябе і сваю творчасць, а адказвалі на складаныя пытанні студэнтаў пра эстэтыку беларускай літатаратуры, паэтыку, традыцыі і наватарства ў паэзіі і інш. Па некаторых з паднятых тэм, напрыклад, датычных сучаснага літаратурнанага працэсу і месца беларускай літаратуры ў кантэксце сусветнай, узнікла дыскусія.
Па выніках сустрэчы студэнтам было дадзена заданне прааналізаваць творчасць аднаго з паэтаў, творы якіх і творчыя біяграфіі кожны можна знайсці на сайце Гродзенскага абласнога аддзялення Саюза пісьменнікаў Беларусі. https://www.pisateli.by/czleny/index-czleny.html Гродненский государственный университет имени Янки Купалы - Студэнты філалагічнага факультэта перанялі літаратурны вопыт у гродзенскіх пісьменнікаў https://www.grsu.by/component/k2/item/53271-studenty-filalagichnaga-fakulteta-peranyali-litaraturny-vopyt-u-grodzenskikh-pismennika.html